Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Concello de Pamplona resolveu a convocatoria de subvencións para os proxectos de promoción do éuscaro de 2018. As axudas alcanzan os 83 000 euros e entregáronse a doce entidades e un total de 21 proxectos destinados á realización en Pamplona de actividades de fomento desta lingua.
Fonte: Diario de Navarra
O crecente uso da lingua inglesa en ámbitos como o turismo e os medios de comunicación é unha clara ameaza para a fortaleza do islandés dentro do seu propio territorio lingüístico.
Fonte: The Guardian
O Departamento de Lingüística e Linguas Modernas da Universidade Chinesa de Hong Kong ofrecerá un curso de lingua de signos de dous anos de duración que axudará a reducir a escaseza de intérpretes desta lingua en toda a rexión de Hong Kong.
Fonte: South China Modern Post
O secretario xeral de Política Lingüística, Valentín García, e o delegado territorial da Xunta de Galicia en Vigo, Ignacio López-Chaves, participaron no acto conmemorativo do aniversario do Centro Cultural Português do Instituto Camões en Vigo.
Fonte: O Portal da Lingua Galega
O director xeral de Políticas Culturais da Consellería de Cultura e Turismo, Anxo Lorenzo, inaugurou en Denver o III Simposio norteamericano de Estudos Galegos, organizado pola Regis University, a Metropolitan State University of Denver e o Colorado College coa colaboración da Consellería, a través da Secretaría Xeral de Política Lingüística e da Dirección Xeral de Políticas Culturais.
O secretario xeral de Política Lingüística, Valentín García, recibiu no Pazo de San Roque a Galina Yusupova, directora do Colexio Rosalía de Castro de Moscova.
Fonte: O Portal da Lingua Galega
O secretario xeral de Política Lingüística, Valentín García, participou no Liceo de Ourense no acto de descuberta da placa "Espazo literario" e rutas literarias de Carlos Casares e A Esmorga.
Fonte: O Portal da Lingua Galega
O concelleiro de Normalización Lingüística reuniuse coa plataforma Castelló per la Llengua para presentarlle os plans da súa concellería para 2019, ano no que buscarán afianzar tres proxectos para promover o uso do valenciano: a publicación Club Millaret, unha campaña de dinamización lingüística no ámbito do comercio e un convenio con Escola Valenciana.
Fonte: Levante
O avogado e ex-conselleiro Carles Mundó recibirá de mans do Consello da Avogacía Catalá o Premio Agustí Juandó i Royo, un galardón que recoñece o labor de entidades ou persoas a prol do uso do catalán no ámbito xurídico.
Fonte: La Vanguardia
EH Bildu presentou no Parlamento vasco unha proposición de lei para garantir a gratuidade na aprendizaxe oficial de éuscaro ata un nivel de coñecemento equivalente ao B2 do marco común europeo de referencia para as linguas.
Fonte: El Diario.es
Subscríbase ao boletín
