O secretario xeral de Política Lingüística, Valentín García, desprazouse ao Centro Cultural Vista Alegre da Bandeira, en Silleda, para participar na presentación do volume Pico Sacro. Ferido polo lóstrego e a lenda.
Fonte: O Portal da Lingua Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de setembro de 2018
28 de setembro de 2018
A oficina estatística da Unión Europea, Eurostat, revelou que polo menos o 65 % das persoas en idade de traballar dos estados membros fala como mínimo unha lingua estranxeira. Un total de 8 estados (Suecia, Letonia, Dinamarca, Lituania, Luxemburgo, Finlandia, Malta e Estonia) teñen unha porcentaxe superior ao 90 %.
Fonte: Eurostat
27 de setembro de 2018
O concello coruñés de Lousame acolle estes días a mostra María Victoria Moreno: paisaxes e personaxes, que visitaron o secretario xeral de Política Lingüística, Valentín García, e mais a alcaldesa, Teresa Villaverde.
Fonte: O Portal da Lingua Galega
27 de setembro de 2018
A Rede de Técnicos Municipais de Éuscaro, integrada por 34 profesionais, propuxo no Parlamento foral que todos os concellos navarros no prazo de 50 anos presten os seus servizos tanto en castelán como en éuscaro.
Fonte: Diario de Navarra
27 de setembro de 2018
O proxecto Easy Catalan, para a aprendizaxe do catalán que se fala na rúa, xa publicou o seu primeiro vídeo nas redes sociais. Nel móstranse entrevistas con falantes reais desta lingua gravadas nas rúas de Andorra a Vella.
Fonte: Generalitat de Catalunya
27 de setembro de 2018
O informe “A lingua no CEIP Agro do Muíño”, froito da colaboración entre o propio centro educativo, a Real Academia Galega e o Concello de Ames, constitúe un dos estudos sociolingüísticos máis completos realizados ata o momento nun centro escolar sobre o galego.
27 de setembro de 2018
A Capela Real do Hostal dos Reis Católicos acolleu a presentación do volume que recolle, traducidos ao galego, O profeta e O xardín do profeta, do autor libanés Gibran Khalil Gibran. A publicación é o resultado da colaboración entre a Secretaría Xeral de Política Lingüística, a Fundación Araguaney e Teófilo Edicións.
26 de setembro de 2018
Tanto o sitio en liña da Escola Virtual do Goberno do Brasil como algunhas universidades ofrécenlles aos cidadáns brasileiros a oportunidade de aprender de xeito gratuíto a lingua de signos.
Fonte: R7
26 de setembro de 2018
A Conferencia de Asembleas Lexislativas Rexionais Europeas (CALRE) propuxo a creación dunha axencia europea que promova o multilingüismo e vele polos dereitos dos falantes de todas as linguas de Europa.
Fonte: La Vanguardia
26 de setembro de 2018
A Secretaría Xeral de Política Lingüística da Consellería de Cultura e Educación conmemorou, como cada 26 de setembro, o Día Europeo das Linguas. Fíxoo nun acto organizado en colaboración co Instituto Camões de Vigo que contou coa participación do secretario xeral Valentín García; de Ignacio López-Chaves, delegado territorial da Xunta en Vigo, e de Carla Sofia Amado, directora do Instituto Camões.
Boletín
Subscríbase ao boletín
