A Axencia de Desenvolvemento de Oarsoaldea organiza o programa Kuadrillategi, para que mozos e mozas poidan aprender e mellorar o seu éuscaro a través da realización de diversas actividades, como saídas especiais, plans de todo o día ou plans de fin de semana. O prazo de inscrición nesta iniciativa, que se desenvolverá nos municipios de Lezo, Errenteria, Oiartzun e Pasaia, prolongarase ata o 28 de setembro.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de setembro de 2018
05 de setembro de 2018
A Consellería de Cultura convoca unha axuda de 275 000 euros para impulsar o uso do catalán nos medios de comunicación. Así mesmo, abrirá outra liña de 100 000 euros para ámbito deportivo.
Fonte: Ser
05 de setembro de 2018
Persoal investigador da Universidade de Vigo, así como a Asociación de Xordos desta cidade, instan a Xunta de Galicia a recoñecer e protexer a lingua de signos galega. Tamén demandan da Federación de Persoas Xordas de Galicia (FAXPG) que sitúe esta reivindicación entre as súas prioridades.
Fonte: Galicia Confidencial
04 de setembro de 2018
A Consellería de Cultura, Participación e Deportes inaugura, por segundo ano consecutivo, a estancia lingüística de verán que finaliza o 14 de setembro e que está dirixida a estudantes de catalán de todo o mundo.
Fonte: 20 minutos
04 de setembro de 2018
Este novo folleto está dirixido a persoas que queiran aprender o catalán e tamén ás que necesiten perfeccionar o nivel desta lingua. O folleto estará dispoñible en catalán, castelán, inglés, alemán, árabe e chinés.
Fonte: Diario de Mallorca
04 de setembro de 2018
A catedrática de Filoloxía Inglesa da Universidade de Santiago de Compostela Teresa Fanego acaba de ser nomeada nova presidenta da Societas Linguistica Europaea (SLE). Entre as actividades previstas para o seu mandato está a de celebrar en Galicia a prestixiosa Escola de Verán de Lingüística da SLE, dirixida a estudantes de doutoramento, ou o congreso anual da sociedade.
04 de setembro de 2018
A Comisión Europea lanzou o concurso Juvenes Translatores dirixido a estudantes de escolas de toda Europa co obxectivo de promover a aprendizaxe de linguas e a tradución.
Fonte: European Commission
04 de setembro de 2018
O Goberno de China anunciou, en preparación para o novo curso académico, unha versión oficial en lingua de signos do himno nacional.
Fonte: Shanghaiist
03 de setembro de 2018
O Goberno de Navarra, xunto con 35 entidades locais e os euskaltegis, inicia a campaña "Dale like al euskera/Eman like Euskarari" para impulsar a aprendizaxe do éuscaro entre persoas adultas.
Fonte: Diario de Navarra
03 de setembro de 2018
As bases deste concurso publicáronse no Boletín Oficial de Aragón. Nelas explícase que cada persoa poderá presentar ata cinco obras en versión orixinal e inédita, de tema libre e cunha duración máxima de cinco minutos.
Fonte: 20 minutos
Boletín
Subscríbase ao boletín
