Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística, Valentín García, presentou en Rodeiro unha nova edición do programa de cinema de verán na rúa Redecinema, impulsado pola Consellería de Cultura, Educación e Ordenación Universitaria, que este ano chegará a 15 concellos pertencentes á Rede de Dinamización Lingüística (RDL).
Fonte: Xunta de Galicia
Grazas a un convenio entre os gobernos de Corea do Sur e o Brasil, a Universidade de Brasilia inaugurará o centro Instituto Rei Sejong que se encargará da promoción do ensino do coreano na capital brasileira.
Fonte: Agência Brasil
A Universidade Pública de Navarra e o Parlamento foral organizan o o IX Torneo de Debate de Bacharelato os días 26 e 27 de outubro no que, por primeira vez, ata catro centros poderán debater en éuscaro, fronte aos 16 que poderán facelo na modalidade en castelán.
Fonte: Navarra.com
A Unidade de Normalización Lingüística ofrécelle ao funcionariado a posibilidade de participar nun curso no que se explicarán estratexias para mellorar os textos escritos a través dunha linguaxe inclusiva.
Fonte: La Vanguardia
Segundo unha enquisa, realizada pola Generalitat Valenciana en colaboración coa Universidade de Valencia, o 62 % da poboación prefire falar en castelán, fronte a un 37 % que se decanta polo valenciano.
Fonte: Les Muntanyes
A Mesa pola Normalización Lingüística, en colaboración coa asociación cultural Cidade Vella e o festival Feito a Man, editou unha guía turística bilingüe galego-inglés de Santiago de Compostela. Ademais dunha breve historia da cidade e dos monumentos máis representativos, inclúense expresións cotiás coa equivalencia nas dúas linguas.
Fonte: Galicia Confidencial
Segundo o sindicato UXT, baseándose en datos da Consellería de Educación, un 16,31 % do funcionariado interino carece de requisito lingüístico, o que significa que non acreditou o nivel mínimo de valenciano esixido para o seu posto.
Fonte: El Mundo
A ordenanza sobre o uso do galego no Concello de Moeche non se aprobará definitivamente ata que se complete o período de trinta días hábiles de exposición pública, durante os cales se poderán facer alegacións ao seu articulado.
Fonte: Concello de Moeche
Como cada 25 de agosto desde 1967, ano en que foi declarado lingua nacional, Paraguai celebra o Día do Idioma Guaraní co fin de promover e normalizar o seu uso.
O secretario xeral de Política Lingüística, Valentín García, participou nos actos de homenaxe con motivo do 15º aniversario do pasamento de Raimundo García Domínguez ‘Borobó’.
Fonte: O Portal da Lingua Galega
Subscríbase ao boletín
