Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Baixo o título 'Voces. La llingua asturiana al traviés de los sieglos', o Museo Arqueolóxico de Asturias, situado en Oviedo, acollerá a partir do 26 de setembro unha exposición itinerante sobre a historia do asturiano desde as súas orixes.
Fonte: El Comercio
Segundo o diagnóstico sobre a evolución do éuscaro en 2017, o nivel desta lingua entre o alumnado descendeu 10 puntos desde 2010, o que supón que suspende esta materia un de cada tres estudantes.
Fonte: El Correo
Entre os días 3 e 21 de setembro as persoas desempregadas de San Sebastián poderán inscribirse nos cursos gratuítos de éuscaro organizados polo concello que comezarán a impartirse o 8 de outubro.
Fonte: La Vanguardia
A película de animación colombiana El Libro de Lila foi dobrada á lingua machiguenga, falada por unha comunidade amazónica do departamento peruano de Cuzco.
Fonte: El Tiempo
Unha iniciativa popular, posta en marcha a través da plataforma change.org, reclama que se poida empregar o catalán na publicidade de Twitter.
Fonte: Generalitat de Catalunya
Nunha entrevista para a televisión pública neozelandesa, a primeira ministra de Nova Zelandia, Jacinda Ardern, declarou que a súa filla medrará falando tanto maorí como inglés.
Fonte: The New York Times
O Instituto Goethe informou de que cada vez máis adultos británicos de entre 18 e 30 anos deciden aprender alemán co fin de ter acceso a máis oportunidades laborais.
Fonte: The Guardian
Unha estudante de doutoramento da Universidade de Stanford nos Estados Unidos documentou o ende, unha lingua illada falada nunha zona rural de Papúa Nova Guinea.
Fonte: Stanford News
A Mesa pola Normalización Lingüística denuncia que o operador de telefonía MásMóvil se nega a ofrecer atención en galego, feito que se constatou nunha chamada a un posible cliente na que confirmaron, así mesmo, que non atenden tampouco nin en catalán nin en éuscaro.
Fonte: Código Cero
O director da aplicación para o ensino de linguas Duolingo informou en declaracións a Sky News de que o Brexit está a animar os británicos a aprenderen linguas estranxeiras. Desde que se iniciou o proceso de separación do Reino Unido da Unión Europea, Duolingo rexistrou un incremento do 24 % no número de inscricións procedentes do Reino Unido.
Fonte: Sky News
Subscríbase ao boletín
