Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Os expertos participantes no I Curso de Verán que o Instituto Cervantes celebra en Madrid certificaron a boa saúde da lingua española no mundo mais defenderon a necesidade de que a lingua se adapte aos retos actuais que supón o uso da internet.
Fonte: El Universal
Os lingüistas participantes da LV edición dos Cursos Internacionais de Verán de Lingua e Cultura Españolas da Universidade de Salamanca defenderon no acto de presentación a condición panhispánica dunha lingua que naceu en España pero que non pertence en exclusiva a este país.
Fonte: La Vanguardia
Falaredes, o programa de dinamización lingüística promovido pola Secretaría Xeral de Política Lingüística, leva Os Bolechas ás comarcas de Vigo e da Mariña Lucense.
Fonte: O Portal da Lingua Galega
O secretario xeral de Política Lingüística, Valentín García, participou na rolda de prensa celebrada no Casino de Santiago para presentar o período de votacións do XIII premio Novela Europea Casino de Santiago. Residentes, estudantes e persoas que traballen na capital de Galicia poden elixir ata entre obras de Manuel Rivas, Juan Gómez-Jurado, Clara Usón, Jonathan Coe e John Banville.
Unha nova campaña acaba de reactivarse en Twitter para pedir á multinacional Ikea que inclúa o galego no servizo de atención ao cliente e no seu sitio web. O galego non está ao mesmo nivel que linguas como o éuscaro, o catalán e mesmo o inglés que si contan con tales servizos.
Fonte: Galicia Confidencial
A nova lei de política lingüística aprobada en Sardeña que supón a oficialización da lingua sarda protexerá outras variedades lingüísticas faladas na rexión como o lígur, un dialecto do corso e o catalán.
Fonte: Generalitat de Catalunya
A provincia canadense da Illa do Príncipe Eduardo quere mellorar o servizo de atención sanitaria promovendo o uso do francés entre os pacientes e organizacións do ámbito da saúde.
Fonte: Journal Pioneer
Un estudo publicado no Centro de Investigacións Pew revelou que a pesar de que un 85 % dos pais latinos falan español aos seus fillos e fillas, o dominio desta lingua decae co paso das xeracións.
Fonte: Language Magazine
O secretario xeral de Política Lingüística, Valentín García, participou no acto de descuberta da placa conmemorativa das primeiras sentenzas ditadas en lingua galega nos xulgados da Estrada polo maxistrado Fernando Fernández Leiceaga.
Fonte: O Portal da Lingua Galega
No acto de posesión do seu cargo como presidenta do Consello da Cultura Galega, Rosario Álvarez falou das liñas clave do que vai ser o seu labor á fronte da institución, entre as que destacou a súa aposta por estreitar lazos co mundo lusófono.
Fonte: Galicia Confidencial
Subscríbase ao boletín
