Un comité da Asemblea do País de Gales quere que a lingua de signos británica se converta no primeiro idioma dos escolares galeses xordos. Actualmente, a lingua de signos considérase só un idioma minoritario.
Fonte: ITV
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de outubro de 2018
05 de outubro de 2018
A Asociación Lingua Nacional, coa colaboración da Dirección Xeral de Política Lingüística, convoca a primeira edición dun premio para proxectos empresariais de calquera territorio de fala catalá que mostren o seu compromiso co catalán e axuden na extensión e o uso correcto desta lingua.
Fonte: Generalitat de Cataluña
05 de outubro de 2018
A sétima edición dos premios Pompeu Fabra, correspondente ao ano 2018, recoñece o labor da Asociación de Escritores en Lingua Catalá, os profesores Mila Segarra e Jordi Mir, os establecementos König, a Asociación de Publicacións Periódicas en Catalán, o presentador de televisión Halldór Már e o voluntario lingüístico Ramon Rom Sagristà.
05 de outubro de 2018
Un grupo de estudantes de Filoloxía Galega puxo en marcha unha iniciativa, que reuniu en poucas horas centos de apoios, para que o termo “pintabeizos” se inclúa no Dicionario da Real Academia Galega, no cal se recollen as opcións ‘barra de labios’ e ‘lapis de labios’.
Fonte: Sermos Galiza
05 de outubro de 2018
O Consello de Organizacións Sociais do Éuscaro, Kontseilua, defende que a lei foral relativa a esta lingua inclúa principios fundamentais como son a oficialidade, a normalización lingüística e os dereitos lingüísticos.
Fonte: Noticias de Navarra
05 de outubro de 2018
O II Premio Luís Porteiro Garea ten como obxectivo recoñecer publicamente o traballo de persoas ou organizacións que traballan a prol do uso do galego na Universidade de Santiago e homenaxear a figura do profesor que lle dá nome, quen pronunciou en 1915 a primeira lección en galego no ámbito universitario.
Fonte: Consello da Cultura Galega
05 de outubro de 2018
O Parlamento de Nova Zelandia anunciou que reducirá o tempo destinado á interpretación en lingua de signos nas sesións de preguntas orais. A medida responde a unha necesidade de non monopolizar estes servizos para que os profesionais poidan ofertalos tamén noutros ámbitos como os da saúde ou a xustiza.
Fonte: Scoop
05 de outubro de 2018
A ministra de Lingua Galesa, Eluned Morgan, anunciou que a vila galesa de Monmouth, no condado de Monmouthshire, terá a primeira escola de inmersión en galés.
Fonte: Montmouthshire Beacon
04 de outubro de 2018
Por medio da Secretaría Xeral de Política Lingüística, a Xunta de Galicia volve programar nesta primeira fin de semana de outubro actividades nos concellos que forman parte da Rede de Dinamización Lingüística (RDL). Nesta ocasión, o protagonista da programación será a coñecida compañía de teatro do Elefante Elegante, que trae unha nova proposta dirixida ao público familiar desde os 3 anos baixo o título Asubíos.
04 de outubro de 2018
O vindeiro 31 de outubro, no compostelán Auditorio de Galicia, a Gala aRi[t]mar Galiza e Portugal 2018 reunirá o cantante portugués Salvador Sobral, a formación galega A banda da Loba e os poetas Lois Pérez e Alexandre Brea para entregarlles os premios concedidos por votación popular á mellor música e poesía galega e portuguesa do pasado ano.
Fonte: O Portal da Lingua Galega
Boletín
Subscríbase ao boletín
