O secretario xeral de Política Lingüística, Valentín García, participou na entrega dos premios da XI edición do Proxecto Didáctico Antonio Fraguas, que se celebrou no Museo do Pobo Galego.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de xuño de 2018
28 de xuño de 2018
O conselleiro de Cultura, Educación e Ordenación Universitaria, Román Rodríguez, e o director da Área Institucional da Fundación Repsol, Gonzalo Vázquez Villanueva, asinaron un convenio de colaboración para a organización do XII Premio de Narrativa Breve Repsol, co fin de dinamizar o uso do galego e o desenvolvemento da narrativa escrita na lingua propia de Galicia desde as súas accións de responsabilidade social empresarial.
28 de xuño de 2018
Ambas as institucións asinaron un acordo de cooperación que ten como obxectivo promover e difundir a lingua asturiana.
Fonte: El Comercio
28 de xuño de 2018
Durante o último curso incorporáronse á Wikipedia en éuscaro un total de 317 novos artigos e melloráronse 716. Con estas achegas, a enciclopedia dixital nesta lingua chega aos 294 000 artigos e case 26 millóns de visitas anuais.
Fonte: Eitb
28 de xuño de 2018
O programa de dinamización lingüística FalaRedes estrea este domingo na Laracha unha nova proposta musical que chega da man de Xoán Curiel e da banda Son+de2: A casa do terror, un espectáculo musical dirixido á cativada de 7 a 12 anos e ás súas familias, que percorrerá ata setembro 15 localidades da Rede de Dinamización Lingüística (RDL) da Xunta.
Fonte: O Portal da Lingua Galega
27 de xuño de 2018
Amazon acaba de facer posible que as persoas que falen árabe poidan adquirir obras nesta lingua en soporte Kindle.
Fonte: Engadget
27 de xuño de 2018
O Departamento de Educación dos Estados Unidos de América incorporou o portugués como lingua destacada no programa de bolsas de estudo. Esta medida permitirá ampliar o número de estudantes de portugués no sistema de ensino e posibilitar que moitos estadounidenses poidan estudar en Portugal.
Fonte: Sapo 24
27 de xuño de 2018
O Diario Oficial de Galicia publicou as resolucións das axudas convocadas pola Secretaría Xeral de Política Lingüística para os proxectos de fomento do galego realizados polos centros de ensino non universitario de titularidade privada para o curso escolar 2017/2018.
Fonte: Consello da Cultura Galega
27 de xuño de 2018
A Valedora do Pobo trasladoulle ao Defensor del Pueblo, responsable de garantir os dereitos lingüísticos, as queixas ante as reiteradas dificultades para relacionarse en lingua galega coa Axencia Tributaria. Por este motivo, ante a persistencia destas trabas, vai abrirse unha investigación de oficio.
Fonte: La Vanguardia
27 de xuño de 2018
O Boletín Oficial do Principado de Asturias (BOPA) publicou a convocatoria de dúas liñas de axudas: unha destinada a empresas editoriais, para ampliar a oferta bibliográfica en asturiano; e outra dirixida ás discográficas, co obxectivo de impulsar a música feita nesta lingua.
Fonte: 20 minutos
Boletín
Subscríbase ao boletín
