Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Esquerra Unida esixe que o Parlamento Europeo, o Consello da Unión Europea e a Comisión Europea recoñezan como oficiais as linguas que se inclúen na Carta Europea das Linguas Minoritarias ou Rexionais, entre as que se atopa o valenciano.
Fonte: Levante
A mancomunidade de municipios do País Vasco francés, Euskal Elkargoa, aprobou por maioría absoluta recoñecer, xunto ao francés, o éuscaro e o gascón como linguas do seu territorio.
Fonte: Eitb
Sae á luz o primeiro volume do dicionario do idioma zapoteco que inclúe vocábulos de 62 variantes desta lingua do estado mexicano de Oaxaca.
Fonte: Almomento
O secretario xeral de Política Lingüística, Valentín García, participou na inauguración do curso "Galego, porta aberta para o mundo", unha acción formativa dirixida pola profesora Teresa Moure e incluída nos cursos de verán da Universidade de Santiago de Compostela (USC).
Fonte: O Portal da Lingua Galega
O Concello de Soraluze e varias asociacións renovan o convenio 'Gure elkartian be euskaraz bai' co obxectivo de aumentar o uso do éuscaro nestas entidades.
Fonte: El Diario Vasco
O Voluntariado pola Lingua, impulsado desde a Generalitat de Cataluña, formou nestes quince anos máis de 125 000 parellas lingüísticas.
Fonte: Generalitat de Catalunya
Resólvese a convocatoria da Secretaría Xeral de Política Lingüística para realizar proxectos de innovación en dinamización lingüística nos centros de ensino públicos durante o curso académico 2017/2018. Os centros premiados recibirán 2000 euros para executar os seus proxectos.
Fonte: Consello da Cultura Galega
O obxectivo desta Euskarabentura é que a mocidade afonde na xeografía, a historia, a cultura e as realidades sociolingüísticas dos lugares que visiten.
Fonte: Eitb
Actualmente menos de 500 persoas poden falar córnico con fluidez. Co fin de aumentar esta cifra e asegurar a supervivencia da lingua, algunhas escolas de educación primaria de Cornualles introducen o ensino do córnico como parte do seu currículo.
Fonte: ITV
Subscríbase ao boletín
