O presidente de Indonesia, Joko Widodo, aprobou un decreto que simplificará o proceso para poder traballar no país mais introducirá a obriga de aprender formalmente a lingua indonesia.
Fonte: The Straits Times
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de xuño de 2018
A cidade angolana de Luanda acolle unha exposición do Museo da Lingua Portuguesa de São Paulo que pretende mostrar a historia e a diversidade desta lingua no mundo.
Fonte: Notícias ao Minuto
22 de xuño de 2018
Un estudo científico sobre o ámbito das linguas revela que é normal que as nenas e os nenos educados en varios idiomas os mesturen nos primeiros anos da adquisición lingüística.
Fonte: The Conversation
22 de xuño de 2018
Algunhas das novas entradas que se incluíron no Dicionario da Real Academia Galega son ciberataque, ciberacoso, conectividade, xestor – a de comunidade, corremundos, microscopia etc., termos que foron sancionados polo Seminario de Lexicografía que ademais revisou preto de 2200 voces desta ferramenta de referencia da lingua galega.
22 de xuño de 2018
A oficina da comisaria da Lingua Galesa, Meri Huws, publicou unha lista normalizada de nomes de lugar que deberá pór fin ás dúbidas e disputas sobre a súa escritura.
Fonte: BBC
22 de xuño de 2018
O convenio recolle diferentes actividades que se van a desenvolver con motivo do centenario da Real Academia da Lingua Vasca e financiará varios proxectos como son o Corpus Onomástico Vasco, traballos de onomástica e toponimia, a edición do libro La Vasconia peninsular en las fuentes árabes (años 711-929) e o estudo do léxico de Joakin Lizarraga.
Fonte: 20 minutos
22 de xuño de 2018
O presidente da República de Cabo Verde, Jorge Carlos Fonseca, defendeu a promoción do portugués a nivel internacional e apostou polo seu potencial social, económico e humano.
Fonte: Jornal de Notícias
22 de xuño de 2018
A Radio Galega estrea a súa primeira canle dixital de música infantil e xuvenil, Radio Picariña, que ofrece un milleiro de cancións en galego que se poderán escoitar da listaxe de reprodución tanto dende un ordenador persoal como a través de dispositivos móbiles.
Fonte: Código Cero
22 de xuño de 2018
Un ano máis o Concello de Vigo organiza unha nova edición do programa “No verán… un conto”, unha iniciativa que coa que pretende impulsar o uso do galego no ámbito do lecer e que está dirixida ao público infantil, familiar e adulto.
Fonte: Consello da Cultura Galega
22 de xuño de 2018
O secretario xeral de Política Lingüística, Valentín García, participou no acto de entrega dos premios do Certame de Banda deseñada AX1 e do Premio de Ensaio Subversivo Guillerme Domínguez, que tivo lugar na biblioteca do IES Arcebispo Xelmírez I.
Fonte: O Portal da Lingua Galega
Boletín
Subscríbase ao boletín
