Celébrase en todo o mundo o Día Internacional das Linguas de Signos, data declarada polas Nacións Unidas co fin de reivindicar a importancia destes idiomas e defender a diversidade lingüística e cultural dos distintos países.
Fonte: EcoDiario
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de setembro de 2018
Un total de oito grupos actuará en Xixón o día 6 de outubro no Concerto pola Oficialidade, unha cita musical que cumpre trinta anos e que ten como obxectivo reivindicar a oficialidade da lingua asturiana.
Fonte: Europa Press
24 de setembro de 2018
Sortzen e a Federación de Ikastolas de Navarra demandaron no Parlamento foral cambios na Lei do éuscaro, para superar a zonificación e conseguir a oficialidade desta lingua en todo o territorio.
Fonte: Noticias de Navarra
24 de setembro de 2018
Este traballo constata que a inmigración chegada a Cataluña nos últimos anos fixo diminuír a porcentaxe de coñecemento inicial e de uso do catalán, ao tempo que se incrementaron os falantes de linguas diferentes ao castelán e ao catalán.
Fonte: Generalitat de Catalunya
24 de setembro de 2018
A Feira do Moble da Estrada acolleu a entrega do XXIII Premio Xornalístico Manuel Reimóndez Portela, convocado polo Concello da Estrada co apoio da Secretaría Xeral de Política Lingüística da Xunta de Galicia e da Deputación de Pontevedra.
Fonte: O Portal da Lingua Galega
21 de setembro de 2018
O ministro de Asuntos Exteriores de Portugal, Augusto Santos Silva, anunciou que o Goberno de Portugal quere duplicar o número de países que ensinan o portugués como lingua opcional na educación primaria e secundaria.
Fonte: Correio da Manhã
21 de setembro de 2018
Unha petición asinada por 7000 persoas obrigará o Goberno quebequés a substituír os sinais das estradas escritos só en francés por outros que conteñan pictogramas.
Fonte: Language Magazine
21 de setembro de 2018
O pasado 21 de setembro comezaron as emisións dos sete programas de televisión que integran o proxecto Kastanya.cat 2018. Con esta iniciativa búscase fomentar o uso do catalán e do occitano a través da música, no marco da festa da Castanyada.
Fonte: Generalitat de Catalunya
21 de setembro de 2018
O Goberno do Canadá quere reverter o declive das linguas orixinarias da provincia canadense de Saskatchewan por medio da introdución de novas medidas e o traballo conxunto coas comunidades indíxenas.
Fonte: Language Magazine
21 de setembro de 2018
Representantes do Goberno de Suráfrica anunciaron que o suahili será introducido de xeito opcional nas escolas públicas a partir de 2020.
Fonte: Telesur
Boletín
Subscríbase ao boletín
