Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Festival Abride a fiestra, promovido pola Casa-Museo Rosalía de Castro, homenaxeará a autora os días 14 e 15 de xullo co apoio da Consellería de Cultura, a través da Secretaría Xeral de Política Lingüística. Mercedes Peón, Najla Shami, Cintaadhesiva, Habelas Hainas, Margarita Viso ou a Coral Padronesa serán algunhas das manifestacións culturais inspiradas na autora de Cantares gallegos e Follas novas das que se poderá gozar.
A plataforma, formada por familias con fillas e fillos que cursan o segundo ciclo de Educación Infantil, denuncia o incumprimento de moitos centros de Asturias no que respecta á materia de lingua asturiana nesta etapa educativa.
A revista Formal and Experimental Advances in Sign language Theory recompila os traballos do congreso FEAST, dedicado á investigación en lingüística formal e experimental de linguas de signos, no que se difunde o proxecto europeo SIGN-HUB que fomenta o patrimonio lingüístico, histórico e cultural das comunidades xordas de Europa.
O secretario de Estado das Comunidades Portuguesas, José Luís Carneiro, declarou que a promoción do ensino da lingua portuguesa é importante en Venezuela, xa que constitúe un factor de mobilidade para aqueles que queren regresar a Portugal ou a países de lingua portuguesa.
Fonte: Dnoticias
Preto dun cento de estudantes -case 80 en Santiago e 14 na Coruña- vidos de fóra de Galicia inician os cursos de verán de galego para persoas estranxeiras que organizan a Universidade da Coruña (UDC) e a Real Academia Galega (RAG) ata o día 24 de xullo, coa colaboración da Secretaría Xeral de Política Lingüística.
Fonte: O Portal da Lingua Galega
O presidente da Comisión Europea pediu desculpas a un parlamentario romanés pola aparición no sitio web da Comisión Europa da frase "lingua moldova" cando debería figurar "lingua romanesa".
Fonte: Balkan Insight
O secretario xeral de Política Lingüística, Valentín García, participou no acto de descuberta da placa conmemorativa das primeiras sentenzas ditadas en lingua galega nos xulgados de Ribeira polas maxistradas Ana López-Suevos Fraguela e Mª Isabel Suárez García.
Fonte: O Portal da Lingua Galega
O secretario xeral de Política Lingüística, Valentín García, abriu en Cambados o VIII Foro do Albariño e deu conta na súa intervención das vantaxes de etiquetar os viños en lingua galega. O evento sectorial, que se centra desta volta nos retos do albariño no futuro, promoveuno a Asociación Adegas do Salnés e Adegas Terra de Asorei, co apoio, entre outras entidades, da Secretaría Xeral de Política Lingüística, e celebrouse no cambadés Pazo da Ulloa.
O FalaRedes reforza coas súas actividades as programacións estivais nos concellos que forman parte da Rede de Dinamización Lingüística (RDL), visitando as comarcas de Bergantiños, A Coruña, Noia e Celanova.
Fonte: O Portal da Lingua Galega
Grazas a este programa, denominado Poctefa Linguatec, será posible transferir coñecementos e desenvolver solucións lingüísticas. Así mesmo, permitirá continuar avanzando para crear un clúster transfronteirizo de tecnoloxías lingüísticas.
Fonte: ABC
Subscríbase ao boletín
