O conselleiro de Cultura, Educación e Ordenación Universitaria, Román Rodríguez; a directora xeral de Xuventude, Participación e Voluntariado, Cecilia Vázquez Suárez; e o secretario xeral de Política Lingüística, Valentín García; presentaron o documento marco do que vai ser o primeiro Plan de dinamización da lingua galega na mocidade, en palabras do responsable do departamento educativo da Xunta de Galicia, “o tronco sobre o que imos traballar Xunta de Galicia e sectores máis directamente implicados”.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de abril de 2018
17 de abril de 2018
O Parlamento vasco solicitoulle ao Goberno central que o coñecemento das linguas oficiais, como o caso do éuscaro, se teña en conta coma un mérito nos postos da oferta pública de emprego nos que o uso destes idiomas sexa indispensable.
Fonte: Cope
17 de abril de 2018
O 15 de abril celebrouse a primeira festa pola lingua valenciana do 2018 no municipio de Rafelguaraf, á que asistiron máis de 30 000 participantes. Durante o encontro realizáronse talleres e actividades lúdicas para os máis novos, e xa están programados novos encontros noutros puntos da xeografía valenciana ata o vindeiro 9 de xuño.
Fonte: Levante
17 de abril de 2018
O municipio portugués de Chaves, limítrofe coas terras de Monterrei en Ourense, conmemorará os 530 anos do primeiro libro publicado en portugués, o Sacramental, publicado en 1488.
Fonte: Notícias de Vila Real
17 de abril de 2018
China acaba de lanzar un sitio web en chinés e inglés para que os cidadáns e estranxeiros que viven no país asiático poidan axudar a combater os casos de espionaxe.
Fonte: The Telegraph
17 de abril de 2018
A nova versión das aplicacións do Dicionario da Real Academia Galega para Android e iOS introduce as modificacións solicitadas polos usuarios e usuarias, así como funcións xa incluídas na versión web desta ferramenta.
17 de abril de 2018
As andainas lingüísticas teñen como obxectivo que as persoas participantes aprendan e practiquen distintas linguas nun contexto informal. Nesta nova edición os idiomas que se poderán practicar son o inglés, o checo, o alemán e o francés.
16 de abril de 2018
O Instituto Portugués de Oriente de Macau levará cabo unhas xornadas para promover a lectura en lingua portuguesa entre a poboación máis nova.
Fonte: Sapo 24
16 de abril de 2018
A compañía aérea Hawaiian Airlines introduciu o uso da lingua hawaiana nos anuncios e instrucións orais dos seus voos comerciais.
Fonte: USA Today
16 de abril de 2018
Un total de 114 persoas presentouse ás probas de lingua catalá da convocatoria extraordinaria organizada pola Escola Balear da Administración Pública, na que soamente puido participar o persoal do Servizo de Saúde.
Fonte: 20 Minutos
Boletín
Subscríbase ao boletín
