Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Xunta, a través da Secretaría Xeral de Política Lingüística e da Axencia para a Modernización Tecnolóxica de Galicia (Amtega), renovan o portal web do Observatorio da Lingua Galega que chega, canda ao seu boletín de noticias, aos dez anos en funcionamento como referente informativo en materia de linguas e espazo de difusión da diversidade lingüística mundial.
Fonte: O Portal da Lingua Galega
O Goberno de Aragón e a Universidade de Zaragoza asinaron un convenio de colaboración para a constitución da cátedra Johan Ferrández d’Heredia de Linguas Propias de Aragón e Patrimonio Inmaterial Aragonés cuxa finalidade é afondar no seu coñecemento científico.
Fonte: El Periódico de Aragón
Rusia anunciou que ten previsto abrir proximamente unha canle de televisión en francés na emisora estatal RT (Russia Today).
Fonte: Language Magazine
Unha enquisa realizada polo Goberno de Gales revelou que un 83 % das persoas que non falan galés en Gales están orgullosas da lingua e un 63 % quere que as institucións destinen máis fondos para a súa promoción.
Fonte: Nation Cymru
Un total de 200 deportistas participará na carreira Ras yr Iaith (Carreira pola lingua) que terá como obxectivo a recadación de fondos destinados a actividades que promovan a lingua galesa.
Fonte: Wrexham
O Festival Abride a fiestra, promovido pola Casa-Museo Rosalía de Castro, homenaxeará a autora os días 14 e 15 de xullo co apoio da Consellería de Cultura, a través da Secretaría Xeral de Política Lingüística. Mercedes Peón, Najla Shami, Cintaadhesiva, Habelas Hainas, Margarita Viso ou a Coral Padronesa serán algunhas das manifestacións culturais inspiradas na autora de Cantares gallegos e Follas novas das que se poderá gozar.
A plataforma, formada por familias con fillas e fillos que cursan o segundo ciclo de Educación Infantil, denuncia o incumprimento de moitos centros de Asturias no que respecta á materia de lingua asturiana nesta etapa educativa.
A revista Formal and Experimental Advances in Sign language Theory recompila os traballos do congreso FEAST, dedicado á investigación en lingüística formal e experimental de linguas de signos, no que se difunde o proxecto europeo SIGN-HUB que fomenta o patrimonio lingüístico, histórico e cultural das comunidades xordas de Europa.
O secretario de Estado das Comunidades Portuguesas, José Luís Carneiro, declarou que a promoción do ensino da lingua portuguesa é importante en Venezuela, xa que constitúe un factor de mobilidade para aqueles que queren regresar a Portugal ou a países de lingua portuguesa.
Fonte: Dnoticias
Preto dun cento de estudantes -case 80 en Santiago e 14 na Coruña- vidos de fóra de Galicia inician os cursos de verán de galego para persoas estranxeiras que organizan a Universidade da Coruña (UDC) e a Real Academia Galega (RAG) ata o día 24 de xullo, coa colaboración da Secretaría Xeral de Política Lingüística.
Fonte: O Portal da Lingua Galega
Subscríbase ao boletín
