Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    19 de marzo de 2024

    A última reforma do dicionario do Instituto da Lingua Estoniana (EKI, polas súas siglas en estoniano) causa fondas desavinzas entre lingüistas do país báltico polo seu enfoque lexicográfico.

    Fonte: ERR

    19 de marzo de 2024

    A plataforma dixital Ingura ofrecerá a posibilidade de aprender éuscaro desde calquera dispositivo, en calquera momento e lugar, de forma cómoda e flexible a través de exercicios baseados en vídeos. Así mesmo, permitirá un modelo titorizado moderno adaptado ás necesidades de aprendizaxe actuais.

    19 de marzo de 2024

    A RAE está inmersa na segunda fase do proxecto LEIA na que se desenvolverán ferramentas, tecnoloxías e aplicacións para a proxección e o uso do español no ámbito da intelixencia artificial que se traducirá na creación dun observatorio de neoloxismos, tecnicismos, termos e variacións do español, e doutras ferramentas, como reposta a consultas lingüísticas, entre moitas outras.

    19 de marzo de 2024

    O secretario xeral de Política Lingüística, Valentín García, participou na inauguración da exposición «8 libros 8 mulleres que cambiaron o mundo», que desenvolve a Universidade de Santiago de Compostela (USC) co apoio da Xunta de Galicia para visibilizar o legado das mulleres na literatura universal.

    18 de marzo de 2024

    A empresa de ferrocarrís británica London North Eastern Railway (LNER, polas súas siglas en inglés) anunciou que vai habilitar avisos en lingua de signos en maior número de estacións para lles facilitar o transporte ás persoas xordas ou con dificultades auditivas. 

    Fonte: Rail Advent

    18 de marzo de 2024

    O Consello Portugués das Persoas Refuxiadas creou un caderno con fichas de exercicios e metodoloxías para axudar na integración de persoas procedentes doutros países que non falen portugués.

    Fonte: Renascença

    18 de marzo de 2024

    Estas axudas, destinadas a empresas para a incorporación do catalán en produtos tecnolóxicos de diferentes ámbitos, teñen como obxectivo aumentar a oferta nesta lingua.

    Fonte: Generalitat de Catalunya

    18 de marzo de 2024

    Os Gobernos vasco e navarro e o Organismo Público do Éuscaro organizan colonias de verán para nenas e nenos de entre 9 e 15 anos de todos os territorios onde se fala esta lingua.  O obxectivo desta iniciativa é que utilicen o éuscaro na comunicación diaria fóra do ámbito escolar e en contextos lúdicos.

    18 de marzo de 2024

    O secretario xeral de Política Lingüística, Valentín García, participou en Compostela na apertura do simposio Xosé Luís Pensado, 100 anos (1924-2024), organizado polo Centro Ramón Piñeiro para a Investigación en Humanidades da Xunta.

    Fonte: O Portal da Lingua Galega

    18 de marzo de 2024

    A Xunta de Galicia vén de publicar no Diario Oficial de Galicia (DOG) a convocatoria para inscribirse nas probas que permiten obter os certificados acreditativos dos niveis de lingua galega Celga 1, 2, 3 e 4. O prazo para presentar as solicitudes de inscrición, así como o de pagamento da taxa correspondente aos dereitos de exame remata o venres 5 de abril.

    Boletín

    Subscríbase ao boletín

    Logo Feder