O presidente de Letonia, Raimonds Vējonis, aprobou a norma promulgada previamente polo Parlamento que introduce o ensino paulatino en letón nas escolas das minorías lingüísticas.
Fonte: TASS
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de abril de 2018
02 de abril de 2018
As cidades libias con poboación bérber queren aprobar unha ordenanza municipal para que o tamazight poida empregarse nos sinais e edificios públicos e privados. Ata o momento, a cidade de Zuwara aplicou xa esta norma.
Fonte: The Libya Observer
02 de abril de 2018
A Deputación da Coruña destinará 150 000 euros a unha nova liña de axudas destinadas á distribución de contidos audiovisuais en lingua galega, que será a primeira destas características que se convoca en Galicia para esta función.
Fonte: Deputación da Coruña
02 de abril de 2018
O próximo 14 de abril de 2018 celébrase a primeira Feira Agora x l'aragonés, un evento organizado pola Dirección Xeral de Política Lingüística do Goberno de Aragón e o Concello de Zaragoza co fin de promover o uso da lingua aragonesa.
Fonte: El Periódico de Aragón
02 de abril de 2018
O IES A Sangriña, en colaboración co Concello da Guarda, puxo en marcha a campaña “O galego, produto estrela” co obxectivo de fomentar o emprego do galego no comercio e ampliar os seus ámbitos de uso.
Fonte: Consello da Cultura Galega
02 de abril de 2018
O Festival Internacional Kerouac Nova York falará galego na terceira edición que se desenvolve do 3 ao 8 de abril e que consolidará este evento no que a poesía toma as rúas para mesturarse con outras artes, nomeadamente coa música e coa performance, nunha exposición dinámica e moderna da expresión poética.
Fonte: O Portal da Lingua Galega
30 de marzo de 2018
O Concello de Moaña organiza o obradoiro "Ops! O portugués simples" destinado ao alumnado de secundaria da localidade co obxectivo de desmontar o prexuízo lingüístico da falta de utilidade do galego e mostrar a súa potencialidade para acceder ao mundo lusófono.
Fonte: Faro de Vigo
28 de marzo de 2018
As axudas para a realización de actividades de dinamización da lingua galega en 2018 destinadas a entidades sen ánimo de lucro están dotadas cunha partida orzamentaria de 120 000 euros.
Fonte: Deputación de Pontevedra
27 de marzo de 2018
A Universidade Jaume I convocou unha olimpíada de valenciano a través da que fomentar o interese e recoñecemento desta lingua nos estudantes de diferentes niveis educativos, nesta ocasión dos institutos de bacharelato e da propia universidade.
Fonte: Levante
27 de marzo de 2018
Moitas das 364 linguas que se falan en México están en risco de desaparecer, razón pola que se están a pór en marcha numerosas iniciativas destinadas á súa preservación. Desde o ámbito tecnolóxico deseñaron unha aplicación para aprender a falar e escribir náhuatl. E desde o musical, o grupo Rockercoatl distínguese por interpretar música tamén nesta lingua.
Fonte: La Vanguardia
Boletín
Subscríbase ao boletín
