Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Dos 3309 traballos de fin de grao (TFG) defendidos en 2017 na Universidade de Santiago, 2456 estaban en castelán (74,2%), 725 en galego (21,9%) e 72 en inglés. No caso dos traballos de fin de mestrado (TFM), presentáronse 1164, dos cales 275 (23,5%) estaba en galego e 828 (71%) en castelán.
Fonte: Sermos Galiza
A Secretaría de Educación do Estado de Pernambuco (Brasil) participa no programa de intercambio de lingua española e alemá "Ganhe o Mundo" dirixido a alumnado de ensino medio.
Fonte: Destak
Grazas a un convenio asinado polos gobernos de Francia e Portugal, o portugués estase afianzando como lingua estratéxica no sistema educativo da República francesa.
Fonte: Bom dia
Tal e como recolle o marco legal vixente, o Congreso dos Deputados solicitou que as linguas de signos española e catalá se incorporen ao sistema educativo.
Fonte: Servimedia
A Concellería de Política Lingüística entregoulle os premios do certame de narrativa curta en valenciano ao alumnado de Secundaria e Bacharelato dos centros de ensino de Xàtiva.
Fonte: El Periodic
Persoal investigador do Centro de Investigación TIC (CITIC) está a participar no proxecto Erasmus Class con outras doce universidades europeas e asiáticas co obxectivo de axudar a universidades de Kazhakhstán e Uzbekistán a desenvolver os seus propios mestrados interdisciplinares en lingüística computacional.
Fonte: Código Cero
O secretario xeral de Política Lingüística, Valentín García, participou na presentación da V Noite Branca de Lalín, que organizan a Asociación de Empresarios do Deza e o Centro Comercial Aberto de Lalín coa participación de 110 establecementos comerciais e hostaleiros.
Fonte: O Portal da Lingua Galega
O Concello de Vancouver rebautizou dúas prazas do centro da cidade con nomes orixinarios das linguas halkomelem e squamish, faladas polos pobos autóctonos da rexión onde se asenta esta cidade canadense.
Fonte: City of Vancouver
O idioma do pobo chuvaxo, falado na República de Chuvaquia, está a sufrir un forte proceso de substitución pola lingua rusa, a pesar de ser oficial en todo o territorio autónomo.
Fonte: Nationalia
O Plan de normalización elabórase para fomentar o uso do éuscaro en diferentes ámbitos e áreas de actuación, e para lograr unha maior implicación por parte do persoal municipal.
Fonte: Deia
Subscríbase ao boletín
