O Colexio Oficial de Médicos de Xirona apoiou a UPF na publicación do dicionario de medicina infantil en lingua catalá, o cal contén ilustracións e definicións feitas polos alumnos nas que falan da saúde e as enfermidades.
Fonte: La Vanguardia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de xuño de 2018
01 de xuño de 2018
O xurado dos Premios Lois Peña Novo deu a coñecer as persoas gañadoras destes galardóns cos que se pretende impulsar o proceso de normalización lingüística no ámbito das administracións públicas, na vida institucional e na sociedade en xeral.
Fonte: Consello da Cultura Galega
31 de maio de 2018
O secretario xeral de Política Lingüística, Valentín García, e a delegada territorial da Xunta en Ourense, Marisol Díaz Mouteira, achegáronse á XXI Convivencia de Educación Infantil, na que participaron máis de 20 centros educativos das comarcas de Valdeorras e Terras de Trives.
Fonte: O Portal da Lingua Galega
31 de maio de 2018
A mostra "María Victoria Moreno. Paisaxes e personaxes", o proxecto expositivo itinerante co que a Xunta de Galicia lle rende tributo á autora homenaxeada polas Letras Galegas 2018, chega á Biblioteca Pública da Coruña Miguel González Garcés. Logo de seu paso pola capital de Galicia e por Pontevedra, a exposición permanecerá na cidade herculina ata o 11 de xuño, para despois continuar a súa viaxe polas catro provincias galegas, con paradas en Vigo, Lugo, Ourense, Ferrol, Sanxenxo, Ordes, Vilalba e Celanova ata finais de ano.
31 de maio de 2018
Segundo o informe Panorámica da edición española do libro 2017, a Comunidade Valenciana é o territorio español onde menos se le en lingua propia.
Fonte: El Nacional
31 de maio de 2018
O DOG publica a resolución da Secretaría Xeral de Política Lingüística pola que se conceden as axudas aos proxectos de fomento do uso do galego nos centros públicos non universitarios para o curso escolar 2017/18.
Fonte: Consello da Cultura Galega
31 de maio de 2018
Malia que os especialistas coinciden en que o tema dos nomes é unha cuestión de modas, o certo é que desde o ano 2011 ningún nome propio exclusivamente galego figura entre os dez máis habituais. Pero as modas non aparecen de súpeto, senón que responden a dous motivos principais que son o prestixio e a visibilidade.
Fonte: La Voz de Galicia
31 de maio de 2018
No municipio mallorquino presentáronse dúas mocións por Independents-EL Pi y Més, que posteriormente se refundiron nunha soa, para propoñer subvencións para o fomento do uso do catalán nos rótulos do comercio da zona.
Fonte: Diario de Marratxí
30 de maio de 2018
Representantes dos ministerios de Educación de Ucraína e Hungría reuniranse para debater a nova norma do executivo ucraíno que prioriza o ensino da lingua ucraína nas escolas das minorías étnicas.
Fonte: Unian
30 de maio de 2018
O Departamento de Educación do Goberno de Navarra subvencionará cursos de aprendizaxe do éuscaro que se realizarán entre os días 1 de outubro do 2017 e 31 de agosto do 2018 para docentes non universitarios.
Fonte: Navarra Información
Boletín
Subscríbase ao boletín
