Entre os días 23 de novembro e 3 de decembro celebraranse as xornadas de Euskaraldia que teñen como obxectivo fomentar o uso do éuscaro da cidadanía vasca.
Fonte: El Correo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de maio de 2018
O alcalde de Ribeira solicitará un informe para resolver o conflito sobre o topónimo que lle dá nome ao municipio, un conflito que dura anos e que se centra en se debe escribirse con b ou con v, e comprometeuse a acatar o veredicto.
Fonte: La Voz de Galicia
29 de maio de 2018
En visita oficial a Francia, o presidente de Angola, João Lourenço, manifestou o seu interese por integrar a Organización Internacional da Francofonía en calidade de observador ou membro de pleno dereito.
Fonte: RTP
29 de maio de 2018
Co obxectivo de evitar a escaseza de man de obra nalgúns sectores, o Xapón vai aprobar medidas para rebaixar os requisitos lingüísticos de domino do xaponés para facilitar o acceso de estranxeiros ao mercado de traballo.
Fonte: Nikkei Asian Review
29 de maio de 2018
Os premios literarios en asturiano, que presentan varias categorías (novela, ensaio, literatura infantil ou xuvenil e poesía), contribuirán a enriquecer e consolidar esta lingua no ámbito da literatura.
Fonte: El Digital de Asturias
29 de maio de 2018
A Academia Valenciana da Lingua e a Deputación de Castelló fomentarán o uso do valenciano coa divulgación de obras, figuras históricas e tradicións nos municipios da provincia.
Fonte: Mediterraneo
28 de maio de 2018
A cuarta edición do Concurso Tísner de Creación de Xogos en Catalán xa ten gañadores. Trátase dun certame que pretende impulsar a implicación de docentes e alumnado na creación e desenvolvemento de xogos inéditos que fomenten o interese por esta lingua.
Fonte: Generalitat de Catalunya
28 de maio de 2018
A Asociación Trobada organiza un ano máis un encontro col obxectivo de xuntar falantes de aragonés para demostrar que é posible vivir nesta lingua fóra do ámbito familiar e social ao que normalmente se asocia.
Fonte: AraInfo
28 de maio de 2018
O Paraninfo da Universidade de Santiago de Compostela acolleu a celebración da XI Asemblea da Irmandade Xurídica Galega, á que asistiu o secretario xeral de Política Lingüística, Valentín García.
Fonte: O Portal da Lingua Galega
28 de maio de 2018
O pasado 26 de maio comezaron na capital de Galicia e en Ponferrada as probas de acreditación do certificado de coñecemento da lingua galega (Celga), nas que están matriculadas 2598 persoas, o que supón un incremento de 929 con respecto á convocatoria do ano 2017.
Fonte: O Portal da Lingua Galega
Boletín
Subscríbase ao boletín
