Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Goberno de Navarra abriu unha nova convocatoria de axudas para levar a cabo actividades de promoción da lingua vasca na comunidade. As asociacións sen ánimo de lucro serán as principais beneficiarias, se ben os centros de traballo e as entidades privadas tamén teñen posibilidade de solicitalas.
Fonte: Noticias de Navarra
O Goberno do Xapón, a través da súa embaixada en Kuala Lumpur, destinará axudas para paliar a falta de profesorado de xaponés que existe en Malaisia, a pesar do crecente interese que esta lingua está espertando entre a poboación.
Fonte: The Japan Times
México corre o risco de perder o 60 % das súas linguas indíxenas a pesar de ser o segundo país de América Latina con maior diversidade cun total de 11 familias lingüísticas.
Fonte: Notimérica
O secretario xeral de Política Lingüística, Valentín García, participou no acto de entrega do Premio Ramón Otero Pedrayo á escritora, cineasta e académica da lingua galega Margarita Ledo Andión.
Fonte: O Portal da Lingua Galega
A Consellería de Educación da Comunidade Valenciana financiará un estudo a través do que cuantificar, en termos de renda, emprego e produto interior bruto a contribución das actividades relacionadas co uso da lingua valenciana.
Fonte: Levante
O presidente da Xunta, Alberto Núñez Feijóo, celebrou o grande interese que o Pergamiño Vindel xera dentro e fóra da Comunidade e recordou que ilustra a Galicia que queremos, a Galicia que alá onde vai, nunca esquece as súas raíces.
Fonte: O Portal da Lingua Galega
Os días 2 e 3 de marzo de 2018 celebrouse un seminario no que a Academia da Lingua Asturiana expuxo diversas propostas a través das que apoiar a oficialidade do asturiano. Entre outras medidas, destacan a inclusión da lingua asturiana nos colexios dende os 3 anos ou a emisión dunha canle de televisión e radio.
Fonte: La Nueva España
A Xunta de Galicia investiga un caso de discriminación lingüística contra dúas funcionarias da delegación territorial autonómica en Lugo que se negaron a atender en galego a unha cidadá.
Fonte: Galicia Confidencial
A XI edición do Proxecto Didáctico Antonio Fraguas Fraguas porá en valor o patrimonio lingüístico e cultural galegos desde o ensino e valorará especialmente as iniciativas que fomenten a educación en igualdade do alumnado.
Fonte: O Portal da Lingua Galega
Os centros de estudo do galego do exterior da nosa comunidade, coordinados desde a Secretaría Xeral de Política Lingüística, póñenlle o ramo á programación conmemorativa da estadía do Pergamiño Vindel no Museo do Mar de Galicia coa peza audiovisual Martín Códax Universal, que promoven as secretarías xerais de Cultura e de Política Lingüística.
Fonte: O Portal da Lingua Galega
Subscríbase ao boletín
