O Goberno do Reino Unido omitiu nun informe para o Consello de Europa datos sobre a promoción e uso de dúas linguas faladas baixo a súa xurisdición: o gaélico irlandés e o scots de Irlanda do Norte.
Fonte: BBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de marzo de 2018
02 de marzo de 2018
Segundo os datos ofrecidos polo Instituto Nacional de Estatística, a edición de libros descendeu en Euskadi case un 10 % en 2016 respecto ao ano anterior. Publicáronse 1569 títulos, dos cales o 28 % estaba en éuscaro.
Fonte: Noticias de Álava
02 de marzo de 2018
Catro de cada cinco centros educativos públicos de Baleares imparten a maioría das materias soamente en lingua catalá. Esta proporción é menor no que respecta aos centros privados e concertados, xa que aproximadamente un de cada tres imparte as clases só en catalán.
Fonte: ABC
02 de marzo de 2018
Unha licenciada en Ciencias da Educación de Minnesota (EUA) quere abrir unha escola infantil de inmersión para salvar da extinción a lingua dakota, falada actualmente por só cinco persoas.
02 de marzo de 2018
O Tribunal Supremo Administrativo de Portugal fará un ditame sobre o recurso presentado no Consello de Ministros para ilegalizar a aplicación do Acordo Ortográfico da Lingua Portuguesa nas escolas públicas do país.
Fonte: Público
01 de marzo de 2018
Os días 2 e 3 de marzo de 2018 convocarase na Universidade de Oviedo un seminario organizado pola asociación Iniciativa polo Asturiano para informar a cidadanía das implicacións positivas que tería a inclusión da lingua asturiana na sociedade.
Fonte: El Cofidencial Autonómico
01 de marzo de 2018
Os números XVI-XVII da revista de poesía galega actual Clave Orión homenaxean os profesores Aurora López e Andrés Pociña. A publicación, que ofrece nesta entrega o seu volume noveno, presentárona o secretario xeral de Política Lingüística, Valentín García, e mais a directora, escritora e académica da lingua galega Luz Pozo Garza.
Fonte: O Portal da Lingua Galega
01 de marzo de 2018
As entidades Plataforma pola Lingua e Acción Cultural do País Valenciano (ACPV) reuníronse cos responsables da cooperativa Consum para valorar a súa recente decisión de eliminar o valenciano da etiquetaxe dos seus produtos de marca propia.
Fonte: València Extra
01 de marzo de 2018
O Concello de Ames acaba de presentar unha nova edición do Certame Literario de narrativa e poesía ao que poden concorrer textos inéditos de tema libre en lingua galega.
Fonte: Concello de Ames
01 de marzo de 2018
Segundo os datos de 2016, a edición de libros en galego descendeu case un 6 % respecto ao ano anterior. Pese a isto, Galicia é a comunidade autónoma española que maior porcentaxe de libros na súa lingua edita.
Fonte: CRTVG
Boletín
Subscríbase ao boletín
