A lingua propia de Islandia, o islandés, loita actualmente contra o reto da supervivencia dixital xa que se está convertendo nunha lingua minoritaria no espazo virtual pola forte presión do inglés.
Fonte: The Guardian
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de febreiro de 2018
Un estudo realizado a miles de persoas revela que o mellor momento para reter información sobre unha lingua estranxeira é xusto antes de deitarse.
Fonte: Quartz
26 de febreiro de 2018
A Oficina de Promoción e Uso do Valenciano do Concello de Torrent convocará unha nova edición dos premios ao emprego deste idioma nas fallas, a través dos que fomentan o seu uso nos rótulos e os libriños que acompañan as construcións destas festas.
Fonte: Las Provincias
26 de febreiro de 2018
Os Premios Fouciño de curtametraxes teñen entre os seus obxectivos potenciar a difusión do galego na rede. Por este motivo, un dos requisitos é que as pezas estean en galego ou que conten con subtítulos nesta lingua.
Fonte: Galicia Confidencial
26 de febreiro de 2018
A iniciativa "Euskaraldia, 11 días en éuscaro", posta en marcha polo Goberno vasco, proponlles aos concellos utilizar o éuscaro para comunicarse durante 11 días, dende o 23 de novembro ata o 3 de decembro de 2018.
Fonte: Sarriguren Web
26 de febreiro de 2018
A tese de doutoramento de Cristina González constitúe o primeiro estudo sobre a planificación da lingua de signos no ámbito educativo galego. Nela recomenda a inclusión curricular da lingua de signos para atender a pluralidade lingüística nas aulas e maior presenza de intérpretes nos centros con alumnado xordo.
26 de febreiro de 2018
O secretario xeral de Política Lingüística, Valentín García, participou en Santiago de Compostela nos actos conmemorativos do 181º aniversario do nacemento de Rosalía de Castro, cunha ofrenda floral ao pé do monumento á escritora na Alameda.
Fonte: O Portal da Lingua Galega
23 de febreiro de 2018
A Casa de Representantes de Michigan (EUA) aprobou unha lei para declarar o inglés lingua oficial de todo o estado.
Fonte: The Washington Times
23 de febreiro de 2018
A proposta parlamentaria do Partido Comunista de Portugal de desvincularse do Acordo Ortográfico foi rexeitada pola Asemblea da República con votos en contra de case todas as forzas políticas.
Fonte: Público
23 de febreiro de 2018
O novo volume Galegos no Minho. 20 anos do Centro de Estudos Galegos da Universidade do Minho conmemora as dúas décadas en activo deste centro dependente da Rede de Lectorados e Centros de Estudos Galegos da Xunta de Galicia e presentouse en Santiago no marco da 4ª Semana Cultural Convergências Portugal Galiza, que organiza o propio centro universitario bracarense.
Boletín
Subscríbase ao boletín
