Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Goberno de Aragón busca a colaboración das entidades locais a través de protocolos cos que pór en marcha actuacións que conduzan á normalización da lingua aragonesa. A organización de seminarios ou a concesión de axudas para a investigación son algunhas das accións propostas.
Fonte: Heraldo
O conselleiro de Cultura, Educación e Ordenación Universitaria, Román Rodríguez González, e o presidente do Centro Galicia de Bos Aires, José María Vila Alén, asinaron un acordo en virtude do cal o cadro "A derradeira leición do mestre", unha das obras máis senlleiras pintadas por Alfonso Daniel Rodríguez Castelao, sairá por primeira vez de Arxentina para ser exhibida en Galicia.
O secretario xeral de Política Lingüística, Valentín García, clausurou na sede compostelá da Confederación de Empresarios de Galicia (CEG) a xornada Galego e empresa: abrindo novos mercados, organizada polo Foro E. Peinador e pola CEG en colaboración coa Secretaría Xeral de Política Lingüística.
Fonte: O Portal da Lingua Galega
A Real Academia Galega acaba de publicar, co gallo da celebración do Día Internacional da Lingua Materna, Lingua e sociedade en Galicia. Resumo de resultados 1992-2016. Neste informe móstrase unha visión panorámica da situación social do galego co obxectivo de identificar as tendencias que marcan a súa evolución nas últimas décadas.
Unha investigación elaborada por científicos do Instituto de Tecnoloxía de Massachusetts revelou que existe unha relación estreita entre algunhas pinturas rupestres e a orixe das nosas destrezas lingüísticas.
Fonte: PHYS
Hai oitenta anos, os cidadáns suízos votaron a favor da oficialización do idioma romanche, falado no Cantón dos Grisóns. Con motivo deste acontecemento, a asociación que loita pola súa protección, pídelle axuda ao goberno xa que aínda corre risco de desaparecer.
Fonte: Swissinfo
A Oficina de Promoción do Valenciano do Concello de Castelló puxo en marcha a iniciativa "Benvidos a casa", a través da cal anima as familias que acaban de ter un fillo ou unha filla a priorizar o uso da lingua valenciana.
Fonte: Cope
Dinamizaestrada convoca a quinta edición do seu concurso de microrrelatos e micropoemas en lingua galega no que poden participar os centros de ensino da Estrada.
Fonte: Faro de Vigo
Con motivo da festividade do Día da Lingua Materna, que a UNESCO celebra cada 21 de febreiro, o Principado de Asturias organizou un completo programa de pezas teatrais clásicas e concertos de música tradicional asturiana.
Fonte: El Comercio
Unha enquisa elaborada na República de Irlanda revelou que a maior parte dos irlandeses apoia que Irlanda do Norte aprobe unha lei que protexa e promova o gaélico.
Fonte: The Irish Post
Subscríbase ao boletín
