Rubio acaba de lanzar a súa primeira colección de cadernos en lingua galega debido á crecente demanda por parte de docentes e pais, que se suman así aos xa existentes en valenciano e catalán.
Fonte: Praza Pública
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de maio de 2018
A asociación neerlandesa Beter Onderwijs Nederland (BON) quere presentar unha demanda a varias institucións públicas de ensino pola crecente impartición de cursos en inglés nos Países Baixos.
Fonte: NL Times
18 de maio de 2018
Guinea Ecuatorial reitera o seu compromiso coa Comunidade de Países de Lingua Portuguesa e rexeita as críticas que puñan en dúbida o seu apoio ao portugués.
Fonte: Mundo Lusíada
18 de maio de 2018
O delegado territorial da Xunta na Coruña, Ovidio Rodeiro, foi o encargado de darlle a saída á V edición da Carreira Camiño das Letras coa que se conmemorou o Días das Letras Galegas a través do deporte e poñendo en valor o noso patrimonio do Camiño de Santiago.
Fonte: O Portal da Lingua Galega
18 de maio de 2018
O xurado do XIV Premio a artigos xornalísticos normalizadores proclamou como gañador da edición do 2018 deste certame a Carlos Lixó polo seu artigo «Alpabardas verdes».
Fonte: Concello de Carballo
18 de maio de 2018
A mostra didáctica ‘Gatiños, Ghatiñas, Gatíos. Xeitos de falarmos galego', protagonizada polos Bolechas e impulsada pola Deputación de Pontevedra, pretende achegarlles aos máis pequenos a riqueza da nosa lingua. A exposición, que arrancou en Pontevedra, percorrerá todas as comarcas da provincia en próximas datas.
Fonte: Deputación de Pontevedra
18 de maio de 2018
A plataforma Queremos Galego reuniu o pasado 17 de maio en Santiago de Compostela a milleiros de manifestantes que reivindicaron o seu dereito a vivir en lingua galega.
Fonte: Praza Pública
16 de maio de 2018
Maite Inda, a representante do colectivo Euskalgintza de Pamplona, informou da escasa presenza do éuscaro na Universidade Pública de Navarra (UPNA) e destacou a necesidade de impartir o grao de Enfermería nese idioma.
Fonte: Navarra
16 de maio de 2018
O día grande das Letras Galegas, o 17 de maio, a Xunta de Galicia renderalle homenaxe a María Victoria Moreno cun acto institucional que terá lugar no IES Torrente Ballester de Pontevedra, onde a escritora exerceu a docencia durante anos e ata a súa xubilación.
Fonte: O Portal da Lingua Galega
16 de maio de 2018
A Consellería de Cultura, Educación e Ordenación Universitaria e a Cogami (Confederación Galega de Persoas con Discapacidade) colaboran no desenvolvemento dun programa de actuacións en lingua galega para que o alumnado que requira unha atención educativa diferente á ordinaria poida acadar o máximo desenvolvemento posible das súas capacidades.
Fonte: O Portal da Lingua Galega
Boletín
Subscríbase ao boletín
