O escritor caboverdiano Germano Almeida recibiu o máis prestixioso premio literario en lingua portuguesa, o Premio Camões.
Fonte: Maisfutebol
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de maio de 2018
O Concello de Lisboa debaterá unha proposta do Partido Comunista para organizar un festival internacional dedicado á lingua e á literatura portuguesas.
Fonte: Sapo 24
23 de maio de 2018
O secretario xeral de Política Lingüística, Valentín García, acompañou a Teresa Pérez Tilve na presentación do libro A carón da máquina.
Fonte: O Portal da Lingua Galega
23 de maio de 2018
Kiel-Santiago: Encrucilladas da diversidade lingüística europea aborda a reflexión sobre as linguas de Europa, con ou sen Estado, e foi presentado polo secretario xeral de Política Lingüística, Valentín García.
Fonte: O Portal da Lingua Galega
23 de maio de 2018
Con respecto á publicación de libros en asturiano, o seu declive continúa, aínda que mellorou no ano 2017, cando se sacaron 40 volumes en asturiano, só son dous máis que o ano anterior, pero menos da metade que no 2011.
Fonte: La Voz de Asturias
23 de maio de 2018
O secretario xeral de Política Lingüística, Valentín García, acompañou ao artista plástico, escritor e xornalista Siro López na presentación da obra Castelao na arte europea.
Fonte: O Portal da Lingua Galega
23 de maio de 2018
Os usuarios de Apple critican a compañía polo feito de que non quere incorporar no asistente virtual Siri o idioma catalán, despois de que así llo solicitase a Plataforma per la Llengua.
Fonte: Mundiario
22 de maio de 2018
Oficiais do Ministerio de Xustiza da República de Irlanda declararon que se está considerando a introdución dunha proba de lingua para todas aquelas persoas que queiran obter a nacionalidade irlandesa.
Fonte: Irish Examiner
22 de maio de 2018
O Goberno de China condenou o activista tibetano Tashi Wangchuk a cinco anos de cadea por promover pacificamente o uso da lingua tibetana.
Fonte: Human Rights Watch
22 de maio de 2018
O Concello de Pamplona aprobou unha declaración referente á política lingüística na que se insta a continuar traballando para garantir os dereitos lingüísticos da cidadanía.
Fonte: Noticias de Navarra
Boletín
Subscríbase ao boletín
