O conselleiro de Cultura, Educación e Ordenación Universitaria, Román Rodríguez, participou na sede da Fundación Novoneyra na presentación do volume Os Eidos. O libro do Courel.
Fonte: O Portal da Lingua Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de marzo de 2018
05 de marzo de 2018
O Goberno de Escocia anunciou que vai recibir unha axuda de 3 millóns de libras esterlinas para poder implementar o seu novo sistema de ensino de linguas na educación pública.
Fonte: The Sunday Post
05 de marzo de 2018
A actriz británica, Rachel Shenton, empregou a lingua de signos no seu discurso de agradecemento polo Óscar á mellor curtametraxe por The Silent Child.
Fonte: BuzzFeed
05 de marzo de 2018
Dende o curso 2010-2011 apréciase un descenso paulatino da docencia en lingua galega. Así, se no curso 2009-2010 o seu uso era do 32,76 %, nos nove anos posteriores esta porcentaxe baixou trece puntos.
Fonte: O Cartafol Dixital
05 de marzo de 2018
O Movemento Veciñal Estradense (Móvete) denunciou que a ordenanza reguladora de normalización lingüística do Concello da Estrada non se cumpre na sinalización da Zona dos Viños.
Fonte: Faro de Vigo
05 de marzo de 2018
Unhas 159 obras publicadas por 42 editoriais no 2017 foron traducidas ao catalán grazas ao apoio da Generalitat de Cataluña, a través dunha nova liña de axudas dirixidas exclusivamente á súa tradución. As obras poden ser consultadas e solicitarse en préstamo no Portal da Lingua Catalá.
Fonte: GenCat
05 de marzo de 2018
En marzo de 2003 nacía a Galipedia, a Wikipedia en lingua galega, que xa supera na actualidade as 145 000 entradas sobre todo tipo de temas. Para celebrar este aniversario está convocado un wikimaratón do Día Internacional da Muller, co que se pretende darlles entrada a artigos sobre mulleres destacadas.
Fonte: Consello da Cultura Galega
05 de marzo de 2018
Estes galardóns recoñecen o labor de fomento da lingua galega dos premiados que nesta edición de 2018 foron o programa Apego, os profesores de lingua e literatura galegas Vitoria Ogando e Anxo González Guerra, e a Galipedia.
Fonte: Concello de Pontevedra
05 de marzo de 2018
O secretario xeral de Política Lingüística, Valentín García, acompañou a poeta fisterrá Branca Vilela na presentación da obra Costa da Morte: territorio literario.
Fonte: O Portal da Lingua Galega
02 de marzo de 2018
O Goberno de Suráfrica converteu a lingua de signos surafricana en idioma oficial e curricular do ensino. A partir de agora, o alumnado con problemas auditivos ten dereito a recibir contidos e ser avaliados nesta lingua.
Fonte: The Citizen
Boletín
Subscríbase ao boletín
