A Estratexia da Lingua Gaélica, consensuada polas comunidades de fala irlandesa que viven na zona sur do Condado irlandés de Donegal, permitirá garantir un futuro prometedor para o gaélico irlandés.
Fonte: Donegal Democrat
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de xaneiro de 2018
09 de xaneiro de 2018
O Concello de Sanxenxo prepara unha nova web municipal, máis adaptada ás necesidades de usabilidade e con versión en galego á que se accederá por defecto.
Fonte: Código Cero
09 de xaneiro de 2018
Ata o 30 de abril de 2018, as entidades que impulsen o catalán e/ou organicen actividades para fomentar o seu uso, poden solicitar a inclusión ou renovación no Censo de entidades de fomento da lingua catalá do Departamento de Cultura de Cataluña.
Fonte: Generalitat de Catalunya
09 de xaneiro de 2018
O sindicato STEPV solicitou que o valenciano sexa a lingua central do modelo educativo plurilingüe da Comunidade Valenciana, de xeito que un mínimo do 50% dos contidos curriculares sexa neste idioma, chegando a acadar o 90% na etapa Infantil nos territorios nos que o valenciano é a lingua maioritaria.
Fonte: El Mundo
08 de xaneiro de 2018
A Sociedade da Lingua Galesa (Cymdeithas yr Iaith Gymraeg) criticou con dureza o escaso uso que se fai da lingua galesa na Asemblea de Gales. Segundo as estimacións da organización, o galés é a lingua dos debates só un 12 % do tempo.
Fonte: BBC
08 de xaneiro de 2018
Unha descendente de portugueses crea "Mais idiomas", unha academia virtual de aprendizaxe de idiomas centrada na promoción da lingua e cultura portuguesas.
Fonte: Notícias ao Minuto
08 de xaneiro de 2018
O Dicionario da Real Academia Galega recibiu en 2017 arredor de 20,5 millóns de consultas, o que supón a maior cifra desde a posta en marcha da súa versión dixital en 2013. Ademais, experimentou un incremento do 42 % con respecto ao ano anterior e unha media diaria de máis de 56 000 buscas.
08 de xaneiro de 2018
A festa das ikastolas do País Vasco francés, Herri Urrats, terá lugar o 13 de maio de 2018 en Senpere baixo o lema 'Prefosta'. Os beneficios deste ano destinaranse ao colexio Manex Erdozaintzi Etxart, que une a alumnado de Zuberoa e Baixa Navarra.
Fonte: eitb.eus
08 de xaneiro de 2018
A Dirección Xeral de Política Lingüística de Cataluña editou un mapa de localización dos lugares onde aprender a lingua de signos catalá (LSC). Este mapa informa sobre os lugares que ofrecen cursos desta lingua, así como sobre os datos de contacto de cada centro.
Fonte: Generalitat de Catalunya
08 de xaneiro de 2018
O secretario xeral de Política Lingüística, Valentín García, asistiu á homenaxe a Isaac Díaz Pardo polo sexto aniversario do seu pasamento no cemiterio de Boisaca.
Fonte: O Portal da Lingua Galega
Boletín
Subscríbase ao boletín
