Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O escritor compostelán e xornalista Xosé Antonio Neira Cruz fíxose co XI Premio de Narrativa Breve Repsol -que promoven conxuntamente a Consellería de Cultura, por medio da Secretaría Xeral de Política Lingüística, e mais a Fundación Repsol- coa obra O soño das sereas.
Fonte: O Portal da Lingua Galega
Un protocolo entre o municipio de Miranda do Douro, o Ministerio de Educación de Portugal e a Facultade de Letras da Universidade de Coímbra ten entre os seus obxectivos o recoñecemento da experiencia e competencias dos profesores de mirandés que levan ensinando esta lingua desde 1985.
Fonte: Renascença
Google India acaba de anunciar que permitirá a publicación de anuncios publicitarios en lingua bengalí co obxectivo de alcanzar un público máis amplo.
Fonte: First Post
As persoas que se presenten á Oferta Pública de Emprego foral e que teñan que efectuar a proba de éuscaro deberán acudir a Biscaia, pois todas as administracións vascas realizan de xeito conxunto esta proba para os seus aspirantes.
Fonte: Gasteiz Hoy
O Ministerio de Fomento comunicou que os pilotos e controladores aéreos terán autorización para empregar o castelán nas súas comunicacións "cando os escenarios operativos así o aconsellen".
Fonte: 20 minutos
O III Ciclo de Literatura Infantil e Xuvenil, unha iniciativa formativa na que a Secretaría Xeral de Política Lingüística colabora coa Asociación de Escritores e Escritoras en Lingua Galega (AELGA), afondará no teatro e nas súas potencialidades na educación infantil ao longo de seis sesións que se desenvolverán ata o vindeiro 7 de novembro na cidade de Ourense.
Fonte: O Portal da Lingua Galega
O Goberno da India volve adiar a data pola que se obriga os fabricantes a empregar linguas locais indias nos dispositivos móbiles. A razón deste cambio radica na dificultade de crear teclados nalgúns idiomas.
Fonte: Money Control
Un grupo internacional de científicos de diferentes países realizou un estudo sobre a evolución de diferentes linguas do Pacífico e demostrou que a gramática dunha lingua cambia máis rápido que os elementos léxicos.
Fonte: EurekAlert
O Servizo Municipal de Éuscaro do Concello de San Sebastián e a asociación Bagera renovaron o seu acordo de colaboración, que permite a práctica da lingua vasca por 25 euros dentro do programa Mintzalaguna.
Fonte: El Diario Vasco
O Instituto de Estudos Eivisencos, en colaboración coa Obra Social la Caixa, organiza cursos gratuítos de lingua catalá para persoas novas chegadas recentemente á illa, que pretenden fomentar a aprendizaxe oral do catalán. Os cursos comezarán o 17 de outubro de 2017.
Fonte: Diario de Ibiza
Subscríbase ao boletín
