Segundo un estudo, a produción editorial en lingua galega descendeu un 13,1 % o ano pasado, un dato que contrasta co aumento que experimentaron éuscaro, catalán e castelán.
Fonte: El Correo Gallego
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de setembro de 2017
A Fundación Escola Portuguesa de Macau (FEPM) e o Instituto Politécnico de Macau asinaron un protocolo de acción para desenvolver e fomentar o ensino da lingua portuguesa no interior de China.
Fonte: Observador
27 de setembro de 2017
A Corporación de Radiodifusión Británica (BBC) acaba de lanzar un servizo de noticias en lingua coreana que ofrecerá novas de actualidade, deportes, negocios e cultura por medio dun sitio web e unha canle de radio.
Fonte: The Jeju Weekly
27 de setembro de 2017
O Dicionario de dúbidas do catalán oral é o primeiro dicionario sonoro destas características, unha ferramenta que inclúe indicacións de pronunciación dos diferentes acentos do catalán, como o mallorquino ou o valenciano.
Fonte: Generalitat de Catalunya
27 de setembro de 2017
A Galipedia, a enciclopedia libre en galego, está a organizar un concurso de debuxo para o artigo sobre María Victoria Moreno, a vindeira homenaxeada no Día das Letras Galegas.
Fonte: Galicia Confidencial
27 de setembro de 2017
O Goberno da Comunidade Valenciana presentou a campaña "Sempre túa. A túa lingua" para fomentar o valenciano, á que destinará 2,3 millóns de euros. A súa posta en marcha coincide co festexo do día europeo das linguas.
Fonte: El País
27 de setembro de 2017
Valentín García destaca a importancia da etiquetaxe en galego como sinal de identidade e proximidade
O secretario xeral de Política Lingüística, Valentín García, destacou na apertura da xornada "Etiqueta na túa lingua, camiña polo mundo con identidade" a importancia e o valor da etiquetaxe en galego como sinal de identidade e proximidade, tanto para o tecido empresarial como para o público consumidor.
Fonte: O Portal da Lingua Galega
26 de setembro de 2017
Como cada ano, a Comisión Europea celebra a diversidade lingüística da Unión Europea no Día Europeo das Linguas.
Fonte: European Commission
26 de setembro de 2017
O presidente de Ucraína, Petro Poroschenko, transformou en lei a norma que converte o ucraíno na única lingua de instrución do sistema educativo.
26 de setembro de 2017
A Consellería de Cultura, Educación e Ordenación Universitaria conmemorou o Día Europeo das Linguas cun acto na escola oficial de idiomas compostelá, no que participou o secretario xeral de Política Lingüística, Valentín García Gómez, e que incluíu un concerto multilingüe de Rosa Cedrón e Emilio Rúa.
Fonte: O Portal da Lingua Galega
Boletín
Subscríbase ao boletín
