Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Praza do Concello de Valencia acollerá a quinta edición da "Praza do Libro", a feira do libro en lingua catalá, que terá lugar entre os días 1 e 5 de novembro de 2017 e na que participarán máis de trinta editoriais que publican libros en catalán.
Fonte: Valencia Plaza
Kalandraka vai editar a versión en galego de Pippi Mediaslongas, traducida por David Álvarez e con ilustracións orixinais e restauradas de Ingrid Vang Nyman.
Fonte: Galicia Confidencial
O filme A praia dos afogados chega ao concello ourensán do Pereiro de Aguiar en formato de cinema de verán, no marco da segunda edición do programa de dinamización lingüística Redecinema.
Fonte: Xunta de Galicia
O candidato socialista de Coímbra nas eleccións municipais, Manuel Machado, declarou que defende a introdución dunha segunda lingua estranxeira no primeiro ciclo do ensino primario.
Fonte: Diário de Notícias
A Concellería de Normalización Lingüística de Vila-real convocou unha nova edición de cursos gratuítos de lingua valenciana para pais e nais de alumnado dos centros escolares e para persoas que chegaron recentemente á cidade.
Fonte: elperiodic.com
Herdeiras. Muller, identidade e memoria, o novo proxecto discográfico de 2naFronteira, que integran os músicos Carmen Penim e Maurizio Polsinelli, presentarase en concerto o sábado, 23 de setembro, no compostelán Teatro Principal.
Fonte: O Portal da Lingua Galega
Un novo estudo académico da Universidade de Gävle, en Suecia, defende que o Brexit podería acelerar o desenvolvemento dunha nova variedade do inglés no caso de que este siga sendo a lingua franca da Unión Europea.
Fonte: Independent
A directora de Promoción do Éuscaro do Goberno vasco, Estibaliz Alkorta, interveu nunha xornada sobre Política Lingüística organizada pola rede europea Cost, que tivo lugar en Coímbra (Portugal). Alí, a directora explicou a evolución da lingua vasca nas últimas décadas.
Fonte: La Vanguardia
O programa Efervesciencia cumpre en setembro dez anos en antena, un aniversario que celebrará cunha gala no Teatro Principal de Santiago o 30 de setembro.
Fonte: Galicia Confidencial
O director xeral de Política Lingüística de Aragón, Xosé Ignacio López Susín, comparecerá nas Cortes a petición do PP e Ciudadanos. Na súa intervención, o director explicará a política lingüística do Goberno aragonés.
Fonte: El Periódico de Aragón
Subscríbase ao boletín
