Científicos da Universidade Católica de Lovaina (Bélxica) revelaron que as persoas con discapacidade visual poden dedicar ao desenvolvemento lingüístico as partes do cerebro utilizadas para a visión.
Fonte: New Scientist
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de setembro de 2017
19 de setembro de 2017
A Corporación de Radiodifusión Británica (BBC) está tentando estender a súa influencia en África por medio da difusión de noticias en linguas nacionais. As últimas mostras desta expansión son a apertura de sitios web en linguas nacionais de Etiopía e Eritrea.
Fonte: Quartz
19 de setembro de 2017
Este servizo de videointerpretación en lingua de signos, desenvolvido pola Fundación da Confederación Estatal de Persoas Xordas, denomínase SVIsual e xa está dispoñible nos sete hipermercados que Carrefour posúe en Galicia.
Fonte: Código Cero
19 de setembro de 2017
O secretario xeral de Política Lingüística, Valentín García, inaugurou no claustro de San Nicolás o Real de Vilafranca a exposición ‘Antonio Fernández Morales e o galego do Bierzo’.
Fonte: O Portal da Lingua Galega
19 de setembro de 2017
A Universidade Pompeu Fabra comeza o novo curso de lingua de signos catalá para docentes do ano académico 2017-2018, que terá lugar na Facultade de Tradución e Ciencias da Linguaxe. As persoas interesadas aínda poden inscribirse.
Fonte: Generalitat de Catalunya
19 de setembro de 2017
O Sindicato de Traballadores da Ensinanza do País Valenciano (STEPV) avoga por un programa lingüístico único para todos os centros educativos, públicos e privados, no que o valenciano sexa a lingua vehicular.
Fonte: La Vanguardia
19 de setembro de 2017
A Coordinadora de Traballadores/as de Normalización da Lingua envioulle unha carta ao Concello de Nigrán para solicitarlle que non interrompa a actividade do Servizo de Normalización Lingüística creado hai un ano.
Fonte: CTNL
18 de setembro de 2017
A Casa dos Poetas de Celanova, sede da Fundación Manuel Curros Enríquez, acolleu un acto de homenaxe ao escritor azoriano Antero de Quental, no marco dos actos organizados polo Parlamento de Galicia con motivo da visita á nosa comunidade dunha delegación da Asemblea Lexislativa das Illas Azores.
Fonte: O Portal da Lingua Galega
18 de setembro de 2017
A Biblioteca Provincial acollerá estes cursos de conversa en galego para persoas adultas con coñecementos básicos do idioma que queiran perfeccionar a súa competencia oral.
Fonte: Consello da Cultura Galega
18 de setembro de 2017
A asociación Lia Rumantscha e outras voces critican o pouco apoio que ofrece na práctica o Goberno de Suíza á promoción da cuarta lingua oficial do país alpino en número de falantes: o romanche.
Fonte: Swissinfo
Boletín
Subscríbase ao boletín
