O Consello de Libros Galeses (WBC, polas súas siglas en inglés) informou de que a novela en lingua galesa está atravesando unha época de expansión a pesar dos estudos que mostran unha baixada no número de vendas.
Fonte: The Guardian
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de novembro de 2017
Cada vez máis venezolanos deciden aprender a lingua de Camões en Venezuela. O ensino do portugués aumentou un 70% e xa existen 5000 persoas a estudalo en todo o país.
Fonte: RTP Notícias
03 de novembro de 2017
A profesora Elisângela Dell-Armelina Suruí recibiu a distinción de mellor educadora do ano no Brasil polo seu labor docente e os seus proxectos de alfabetización dos indios da tribo nabekodabadakiba na súa lingua materna, o paiter suruí.
Fonte: Veja
03 de novembro de 2017
Estes galardóns, convocados anualmente pola Asociación Cultural O Brado, premian persoas e colectivos que destacan polo seu labor de promoción do galego.
Fonte: Consello da Cultura Galega
03 de novembro de 2017
Esta nova edición da xornada de acollida lingüística centrarase nos retos actuais desta iniciativa e servirá para presentar materiais e experiencias de boas prácticas neste campo.
Fonte: Generalitat de Catalunya
03 de novembro de 2017
Unha innovadora investigación, realizada por Mari Carme Parafita Couto, da Universidade de Leiden, analiza o emprego e os contextos de uso do infinitivo conxugado en galego.
Fonte: Galicia Confidencial
03 de novembro de 2017
Esta campaña ten como obxectivo conseguir novos falantes de valenciano. Trátase dunha iniciativa gratuíta coa que se pon en contacto unha persoa falante desta lingua con outra que quere aprendela.
Fonte: Levante-EMV
03 de novembro de 2017
Os Premios á calidade lingüística dos proxectos fin de carreira e traballos de fin de grao e mestrado que entrega anualmente a Universidade de Santiago xa teñen gañadores.
02 de novembro de 2017
O certame Vindevídeos actualizará e difundirá entre o estudantado a literatura trobadoresca galega, no marco da programación conmemorativa que a Consellería de Cultura pon en marcha co gallo da estadía en Galicia do Pergamiño Vindel. Así o deron a coñecer os secretarios xerais de Cultura e de Política Lingüística, Anxo Lorenzo e Valentín García, respectivamente, na rolda de prensa na que presentaron o novo certame escolar, co que se quere acompañar a presenza en Galicia do Pergamiño Vindel e fomentar o coñecemento, tanto deste tesouro, como de toda a literatura medieval galega.
02 de novembro de 2017
O Dicionario da Real Academia Galega incrementou notablemente o número de consultas recibidas nos últimos meses ata achegarse ás 55 000 diarias. De feito, desde o 1 de xaneiro deste ano superou a cifra dos 15 millóns de buscas a través da páxina web da Academia e do Portal das Palabras.
Boletín
Subscríbase ao boletín
