A Xunta de Galicia, en colaboración co Parlamento galego e co Foro Enrique Peinador, convoca a XXIV edición dos Premios de Publicidade en Galego, uns galardóns que teñen como fin promover a publicidade en lingua galega en catro categorías: radio, televisión, internet e prensa escrita, en consonancia cos obxectivos establecidos neste ámbito polo Plan xeral de normalización da lingua galega (2004) e polo Plan de dinamización da lingua galega no tecido económico (2016).
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
31 de xullo de 2017
31 de xullo de 2017
A exposición Os mundos de Carlos Casares abre as súas portas en Ribeira, onde permanecerá ata o próximo 3 de setembro no auditorio municipal.
Fonte: O Portal da Lingua Galega
29 de xullo de 2017
A coordinadora da rede de Ensino do Portugués no Estranxeiro, Regina Duarte, informou de que os proxectos actuais de promoción da lingua portuguesa no Reino Unido están mobilizando un bo número de profesores e pais e anunciou novidades no ensino do portugués no próximo ano lectivo.
Fonte: Mundo Português
28 de xullo de 2017
Aínda que non está clara a cifra total de linguas indíxenas que se falan no Brasil, todas as fontes coinciden en estimar que todas están en perigo de desaparición.
Fonte: O Povo
28 de xullo de 2017
A Comunidade de Países de Lingua Portuguesa (CPLP) decidiu atribuírlle á Universidade de San Xosé, en Macau, o estatuto de observador consultivo da organización. A institución leva anos contribuíndo a afondar as relacións académicas entre China e o mundo lusófono.
Fonte: Ponto final
28 de xullo de 2017
Despois de que un representante do Parlamento ruso lle suxerise ao Goberno de Armenia converter o ruso en lingua oficial, o país do Cáucaso informou, en palabras do director do Comité de Asuntos Exteriores da República de Armenia, Armen Ashotyan, de que a política lingüística actual non vai cambiar.
Fonte: Language Magazine
28 de xullo de 2017
O thriller Dhogs, unha longametraxe do lucense Andrés Goteira, competirá no Festival de Cine Fantástico de Sitges e converterase así no primeiro filme en galego que se exhibe neste festival.
Fonte: Faro de Vigo
28 de xullo de 2017
Por segundo ano consecutivo o Concello de Santiago de Compostela pon en marcha o programa "A rúa é nosa! Territorio Xogantín", unha iniciativa que ten como obxectivos axudar a que os nenos e nenas socialicen en galego e que esta lingua se converta en referente no espazo lúdico.
28 de xullo de 2017
A Sala do Contencioso-Administrativo do Tribunal Superior de Xustiza da Comunidade Valenciana determinou a nulidade parcial do Decreto 9/2017 sobre plurilingüismo, pois entende que discrimina o alumnado que opta pola ensinanza en lingua castelá.
Fonte: La Gaceta
28 de xullo de 2017
A Xunta pola Defensa da Lingua Asturiana contactou con Carmen Moriyón, alcaldesa de Xixón, e Adrián Barbón, candidato á secretaría xeral da Federación Socialista Asturiana e alcalde de Llaviana, para buscar apoios ao "Proxecto 2018 pola Oficialidade", que pretende reformar o Estatuto de Autonomía para recoñecer a oficialidade do asturiano e do galego-asturiano.
Fonte: Asturies.com
Boletín
Subscríbase ao boletín
