Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Oito gobernos autonómicos de España destinan fondos públicos para promover as súas linguas propias. En concreto, dedicaranse uns 176 millóns de euros, dos que 170 están relacionados cos idiomas considerados cooficiais nos seus respectivos territorios: galego, éuscaro e catalán.
Fonte: ABC
Un concerto conmemorativo será o evento escollido para a cerimonia de clausura dos cursos de galego para estranxeiros "Galego sen fronteiras" organizados pola Real Academia Galega.
Fonte: RAG
A poeta e experta en didáctica de linguas, Rosalía Fernández Rial, pronunciou unha conferencia para o alumnado dos cursos de lingua e cultura galegas que organiza a Real Academia Galega.
Fonte: RAG
A vila galesa de Aberaeron, no condado de Ceredigion, sufriu un forte descenso no número de falantes de galés. Entre as principais causas está a crecente taxa de emigración de habitantes a outras zonas.
Fonte: Cambrian News
Unha delegación da Sociedade Dante Alighieri foi recibida en Tirana pola ministra de Educación e Deportes de Albania, Mirela Karabina, co fin de dar luz verde a un proxecto para a promoción da cultura e lingua italianas no país balcánico.
Fonte: 9 colonne
Unha campaña liderada por unha comisión parlamentaria busca que o gaélico escocés sexa patrimonio da humanidade.
Fonte: The Scotsman
O Concello de Xixón publicou unha convocatoria para que asociacións culturais desenvolvesen actividades no festival "Marcu Atlánticu". A Xunta pola Defensa da Lingua Asturiana presentou a súa proposta para ofrecer un relatorio sobre a reforma do Estatuto de Autonomía, que foi rexeitada porque o Concello considerou que tiña un fondo político.
Fonte: El Comercio
A Consellería de Cultura, Educación e Ordenación Universitaria -a través das secretarías xerais de Política Lingüística e de Cultura e mais da Axencia Galega das Industrias Culturais (Agadic)- pon en marcha a segunda edición do programa Redecinema, que -tras difundir por toda Galicia o filme “Vilamor” na súa primeira edición- levará a 16 concellos da Rede de Dinamización Lingüística as (co)producións galegas “Maimiño”, “A praia dos afogados” e “9 ondas” en formato de cinema de verán.
O senegalés Cheikh Fayé presentou un libro en galego que relata a forma de vida dos seus compatriotas e as semellanzas e diferenzas culturais entre Senegal e Galicia.
Fonte: Praza Pública
O día do seu 95 aniversario, a Real Academia Galega réndelle a Luz Pozo unha homenaxe literaria e musical na sede da propia institución, á que se incorporou como membro correspondente en 1950 e da que é numeraria desde 1996.
Subscríbase ao boletín
