Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Academia Americana de Artes e Ciencias e os Consellos Americanos para a Educación Internacional presentaron cadanseu relatorio sobre o estado da aprendizaxe das linguas estranxeiras. Os estudos revelan que nos últimos anos se produciu un forte descenso en todos os niveis educativos.
Fonte: The News Observer
A Secretaría Xeral de Política Lingüística iniciou a fase final de entrevistas ás persoas candidatas que concorren ás 10 prazas convocadas para a renovación de 10 dos 27 lectorados de lingua, literatura e cultura galegas en universidades de fóra de Galicia.
Fonte: O Portal da Lingua Galega
Tras media década de traballos, a Casa da Matanza, casa museo de Rosalía de Castro, reabriu as súas portas coa estrea de espazos e novas perspectivas sobre a poeta.
Fonte: Praza Pública
i
Xosé Antón González Riaño, Presidente da Academia da Lingua Asturiana, presentou unha proposta ao director da Radiotelevisión do Principado de Asturias, Antonio Virgili, para emitir un programa informativo en lingua asturiana, que incluiría a presentación, as novas e a información meteorolóxica e deportiva.
Fonte: 20minutos
A recuperación do Decreto de Mínimos polo Goberno das Illas Baleares permitiu que o 90% dos centros educativos restablecese a comisión de normalización lingüística para fomentar o uso do catalán nas aulas.
Fonte: El Mundo
O conselleiro de Cultura, Educación e Ordenación Universitaria, Román Rodríguez, avanzou os datos provisionais de novos centros plurilingües para o vindeiro curso 2017/18 con motivo dunha visita a unha estadía de inmersión lingüística en inglés en Culleredo. En concreto, un total de 81 centros terán por primeira vez o próximo curso plurilingüismo en Infantil. No caso de bacharelato, serán catro centros os que, tamén por primeira vez, apliquen este modelo.
Fonte: Xunta de Galicia
O conselleiro de Cultura, Educación e Ordenación Universitaria, Román Rodríguez, participou na Casa da Matanza no acto de conmemoración do 132 aniversario do pasamento de Rosalía de Castro, no que destacou a importancia do legado literario, ético e emocional da precursora das nosas letras para o desenvolvemento de Galicia.
Fonte: O Portal da Lingua Galega
O conselleiro de Cultura, Educación e Ordenación Universitaria, Román Rodríguez, participou na homenaxe que a VIII Festa da Palabra lle rendeu a Carlos Casares na Insua dos Poetas, na localidade ourensá do Carballiño. A cita, xa consolidada na axenda cultura do verán en Galicia, recorda neste 2017 a figura do homenaxeado co Día das Letras Galegas, Carlos Casares.
Fonte: O Portal da Lingua Galega
O Goberno australiano de Nova Gales do Sur está preparando a Lei das Linguas Aborixes 2017 que garantirá a protección e preservación dos idiomas nativos deste estado australiano e a creación dun centro para a súa aprendizaxe.
Fonte: Daily Telegraph
Un estudo realizado pola Universidade Nacional de Singapur revelou que as nenas e nenos que falan dúas linguas teñen moitas máis facilidades para aprender unha terceira.
Fonte: Straits Times
Subscríbase ao boletín
