A Secretaría Xeral de Política Lingüística e Coca-Cola seguirán colaborando en materia de dinamización lingüística. Así o acordaron o titular deste departamento, Valentín García, e mais a xefa de Comunicación de Coca-Cola European Partners Iberia en Galicia, María Sande, na reunión de traballo que ambos os dous mantiveron na sede herculina da embotelladora da corporación multinacional estadounidense para España, na que analizaron posibles novas vías de colaboración na promoción do uso do idioma desde o ámbito socioeconómico.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
20 de xullo de 2017
20 de xullo de 2017
O Concello de Orozko, en Biscaia, unirase a finais do 2017 á rede UEMA, que está formada por 81 municipios vascófonos. Deste xeito, poderá ter acceso a servizos como o desenvolvemento dun plan de normalización e obradoiros.
Fonte: El Correo
20 de xullo de 2017
A Consellería de Cultura, Participación e Deportes das Illas Baleares presentou as axudas para o ano 2017 da Dirección Xeral de Política Lingüística que serán superiores ás do ano anterior nun 40%, chegando nesta convocatoria aos 785 000 euros.
Fonte: La Vanguardia
19 de xullo de 2017
O presidente da Real Academia Galega reuniuse co presidente e vicepresidenta da Deputación da Coruña para pór en común distintas liñas de colaboración que garantan e aceiren o futuro da lingua e a cultura galegas.
19 de xullo de 2017
O secretario xeral de Política Lingüística, Valentín García, participou na inauguración do XIII Curso de verán sobre dinamización lingüística no que a Secretaría Xeral de Política Lingüística colabora coa Universidade da Coruña, o Concello de Carballo e mais coa Coordinadora de Traballadores/as de Normalización da Lingua.
Fonte: O Portal da Lingua Galega
19 de xullo de 2017
Un estudo elaborado pola Universidade de Kansas revela que a adquisición lingüística comeza durante a xestación xa que os fetos conseguen discernir certos elementos que diferencian as linguas, como, por exemplo, o ritmo.
Fonte: The University of Kansas
19 de xullo de 2017
O endurecemento das medidas de acceso ao corpo de enfermaría do Servizo Nacional de Saúde do Reino Unido leva a situacións polémicas: por medio das normas actuais os profesionais da enfermaría da República de Irlanda teñen que pasar unha proba de competencia en lingua inglesa se queren exercer en Irlanda do Norte.
Fonte: The Irish News
19 de xullo de 2017
O Tribunal Constitucional vén de publicar o contido definitivo das sentenzas sobre as leis de acollida, do Código de consumo, do cine e do audiovisual. Aínda que as resolucións recoñecen a constitucionalidade das leis, a directora xeral de Política Lingüística, Ester Franquesa, indicou que "unha vez máis, as sentenzas do Tribunal Constitucional debilitan a posición do catalán".
19 de xullo de 2017
O Servizo de Éuscaro do Concello de San Sebastián dedica uns 266 000 euros para axudar a aprender a lingua vasca no curso 2016-2017. Isto implica un aumento do 17,7 % en relación á cantidade destinada no anterior período.
Fonte: El Diario Vasco
18 de xullo de 2017
A Duma da Federación Rusa propuxo a Armenia que adopte o ruso como lingua oficial con motivo da aprobación dunha lei que permitiría a condutores de países da Unión Euroasiática traballar en Rusia.
Fonte: Media Max
Boletín
Subscríbase ao boletín
