O secretario xeral de Política Lingüística, Valentín García, participou na presentación do libro de relatos Os papeis do vello mariñeiro de Xosé Neira Vilas.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
13 de xullo de 2017
Uxía Senlle e Sérgio Tannus ofreceron unha charla-concerto sobre tradición musical galega ao alumnado que asiste aos cursos "Galego sen fronteiras' organizados pola Universidade de Santiago de Compostela, a Real Academia Galega e a Secretaría Xeral de Política Lingüística.
13 de xullo de 2017
O grupo de investigadoras e investigadores da Facultade de Filoloxía e Tradución da Universidade de Vigo (BITRAGA) presentou un volume colectivo de máis de 350 páxinas no que se fai un pormenorizado retrato do sector da tradución literaria en España e revela que as literaturas das comunidades con lingua propia (Cataluña, Galicia e País Vasco) comezan a espertar interese no exterior.
Fonte: Galicia Confidencial
13 de xullo de 2017
A Universidade de Santiago de Compostela está a piques de pechar o prazo para a presentación de candidaturas ao primeiro premio Luís Porteiro Garea de promoción e uso do galego.
Fonte: Xornal da USC
13 de xullo de 2017
O Goberno de Illas Baleares está a realizar o trámite de consulta pública previa sobre a proposta para desenvolver un decreto que regule os usos lingüísticos das linguas oficiais da Comunidade Autónoma. Con este decreto, o Goberno balear pretende continuar co seu labor de normalización da lingua catalá e coa defensa dos dereitos lingüísticos da cidadanía.
Fonte: ABC
13 de xullo de 2017
Beñat Arrabit será o novo presidente da Oficina Pública da Lingua Vasca durante os vindeiros tres anos. Ademais, Arrabit é vicepresidente de Política Lingüística da Mancomunidade Única de Iparralde, polo que se encargará da política lingüística nas dúas organizacións.
Fonte: EiTB
12 de xullo de 2017
O libro en galego Lendo lendas, digo versos de Antonio Teijeiro e Antonio Reigosa entrará na lista de obras infantís e xuvenís da IBBY, a organización máis prestixiosa do mundo en libro infantil e xuvenil.
Fonte: Cultura Galega
12 de xullo de 2017
O proxecto "Apego" e a AS-PG (Asociación Socio-Pedagóxica Galega) foron as iniciativas gañadoras do VIII Premio Rosalía de Castro de Lingua Galega que concede a Deputación da Coruña.
Fonte: Cultura Galega
12 de xullo de 2017
A Oficina do Censo dos EUA elaborou un estudo sobre o uso das linguas estranxeiras no estado de California. O tagalo ocupa nestes momentos o segundo lugar despois do español.
Fonte: Next Shark
12 de xullo de 2017
O membro do Parlamento de Israel pola Lista Conxunta, Yousef Jabareen, advertiu das graves consecuencias que tería aprobar a lei que pretende eliminar a oficialidade da lingua árabe no Estado de Israel.
Fonte: The Jerusalem Post
Boletín
Subscríbase ao boletín
