Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Festival Internacional das Artes de Lingua Portuguesa (Festlip), que reúne anualmente artistas dos países de lingua portuguesa no Río de Janeiro, pode ser cancelado este ano por falta de patrocinio, informou a súa organizadora, Tânia Pires.
Fonte: CM ao Minuto
O número de interesados en aprender portugués en Australia aumentou nos últimos tempos. Actualmente, un total de 650 persoas están a estudar portugués, declarou o secretario de Estado das Comunidades Portuguesas, José Luís Carneiro.
Fonte: Sol
Dentro do Plan de fomento da aprendizaxe da lingua catalá no exterior, que desenvolven a Secretaría de Asuntos Exteriores e da Unión Europea do Departamento de Asuntos Exteriores, Relacións Institucionais e Transparencia e a Dirección Xeral de Política Lingüística do Departamento de Cultura, celebrarase, no Centro Catalán de Rosario (Arxentina), un novo curso de formación para o profesorado de lingua catalá do Cono Sur.
A Consellería de Cultura, Participación e Deportes aumentou a oferta de obradoiros e cursos de lingua catalá para este verán, de xeito que o número de alumnos e alumnas medrou de 234 a 543 no mes de xullo. Estes cursos buscan mellorar as competencias en catalán que ofrece a Consellería, a través do Instituto de Estudos Baleáricos.
Fonte: 20minutos
A Oficina de Formación de Persoal de Nivel Superior (CAPES, polas súas siglas en portugués) do Ministerio de Educación do Brasil ofrece un programa que ten como obxectivo a capacitación profesional de profesores de lingua inglesa nos EUA.
Fonte: 24 horas News
O Concello de Wrexham, no País de Gales, está realizando un estudo do uso do galés nas empresas locais co obxectivo de poder ofrecer formación e asesoramiento sobre o uso desta lingua.
Fonte: Wrexham
O Pazo da Cultura de Pontevedra acollerá un ano máis a Feira das Industrias Culturais (Culturgal). Nesta décima edición, Portugal participará como país convidado.
Fonte: Praza Pública
A Cámara Federal do Brasil aprobou un proxecto de lei que garante a contratación de intérpretes de lingua brasileira de signos nos órganos dependentes da administración pública.
Fonte: Felipe Vieira
O Goberno do País de Gales está estudando reforzar as medidas de protección e promoción da lingua galesa co obxectivo de acadar o millón de falantes en 2050. Ao abeiro destas medidas, as empresas privadas poderían estar obrigadas a ofrecer servizos en galés.
Fonte: BBC
A agrupación berbalagun do Concello de Bakio impulsou unha campaña para promover o uso do éuscaro durante o verán. Esta iniciativa, denominada "Faite Berbalagun en verán!", tamén busca captar novos membros para o grupo.
Fonte: El Correo
Subscríbase ao boletín
