Plataforma pola Lingua e o RCD Espanyol uníronse para promover o uso do catalán como lingua vehicular por parte de adestradores e futbolistas do club.
Fonte: El Nacional
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de xullo de 2017
A Consellería de Cultura, Educación e Ordenación Universitaria publica a convocatoria para cubrir unha praza no lectorado de lingua, literatura e cultura galegas da Universidade alemá de Kiel.
Fonte: Consello da Cultura Galega
27 de xullo de 2017
O profesor emérito Manuel Bermejo Patiño, catedrático de Química Inorgánica da Universidade de Santiago de Compostela, recibirá o I Premio Luís Porteiro Garea á promoción e uso do galego nesta institución académica.
27 de xullo de 2017
A familia animada máis famosa de Galicia, Os Bolechas, achégalle á cativada a obra de Carlos Casares cun novo título da colección Os Bolechas. As miñas primeiras Letras Galegas dedicado ao autor ourensán, que sae do prelo da man de Bolanda Edicións co apoio da Consellería de Cultura, Educación e Ordenación Universitaria.
Fonte: O Portal da Lingua Galega
27 de xullo de 2017
Os presidentes de Euskararen Erakunde Publikoa (EEP) e Euskaltzaindia asinaron o anexo relativo ao acordo marco para impulsar os traballos en éuscaro e favorecer a presenza da lingua na vida pública e nos eventos sociais.
Fonte: Noticias de Álava
26 de xullo de 2017
O Diario Oficial da Generalitat de Cataluña publicou unha resolución que indica que o Censo de entidades de fomento da lingua catalá creceu un 5% neste ano, chegando á cifra de 198 entidades. En concreto, no 2017 sumáronse 19 novas entidades.
Fonte: Generalitat de Catalunya
26 de xullo de 2017
A BBC publicou na súa páxina web unha reportaxe titulada "O misterio do idioma máis antigo de Europa", no que se salienta o esforzo realizado para manter vivo o éuscaro.
Fonte: EiTB
26 de xullo de 2017
Os principais partidos representados na Asemblea de Irlanda do Norte teñen dificultades para chegar a un acordo sobre a aprobación dunha lei que garanta protección e dereitos para os falantes de irlandés e outros idiomas falados no Úlster.
Fonte: Irish Times
26 de xullo de 2017
A Comunidade de Países de Lingua Portuguesa decidiu conceder a categoría de observador consultivo á Academia Galega da Lingua Portuguesa na reunión ordinaria do Consello de Ministros celebrada en Brasilia.
Fonte: Galicia Confidencial
26 de xullo de 2017
O académico da Universidade de Georgetown Kalev Leetaru estudou cales son as mensaxes compartidas en Twitter coas taxas de preservación máis altas e o galego apareceu no posto 13 entre todas as linguas do mundo das que máis mensaxes se arquivan.
Fonte: Galicia Confidencial
Boletín
Subscríbase ao boletín
