Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Segundo a VI Enquisa Sociolingüística, o éuscaro adquiriu 223 000 falantes desde o ano 1991 en todo o territorio desta lingua (País Vasco, Navarra e País Vasco francés). Para chegar a estes resultados, a enquisa analizou catro aspectos: o uso, a competencia lingüística, a transmisión lingüística e a actitude respecto á promoción da lingua.
Fonte: EiTB
O Tribunal Constitucional recoñeceu a constitucionalidade das catro leis impugnadas polo PP, o Goberno de España e a Defensora do Pobo, se ben manifestou que a dobre oficialidade lingüística ten que entenderse dun xeito equilibrado, sen que unha lingua sexa superior á outra.
Fonte: Generalitat de Catalunya
O curro de Sabucedo, onde comezou a rodarse o filme de Ignacio Vilar ‘Sicixia’, acollerá o próximo 11 de xullo, a proxección da película. Así o anunciaron o alcalde da vila, José López, e o secretario xeral de Política Lingüística, Valentín García, cuxo departamento colabora co municipio estradense, pertencente á Rede de Dinamización Lingüística,para ofrecerlles aos asistentes á Rapa a proxección da película.
Unha enquisa realizada polo British Council revelou que existe unha forte preocupación entre o profesorado do País de Gales polo futuro do ensino das linguas modernas no sistema educativo. O estudo mostrou, por exemplo, que o 61 % das escolas teñen menos de cinco alumnos estudando unha lingua estranxeira no último ano do bacharelato.
Fonte: BBC
A comunidade de falantes de español dos EUA criticou a administración de Donal Trump por descoidar e abandonar o uso da lingua española nas comunicacións oficiais e en redes sociais como Twitter.
Fonte: The Guardian
Feiraco e Política Lingüística entregáronlles os galardóns aos gañadores do seu xa tradicional certame literario, que se celebra cada ano con motivo do Día das Letras Galegas, nun acto que se celebrou na sede da cooperativa agrogandeira e no que o secretario xeral de Política Lingüística, Valentín García, gabou “o éxito acadado nesta edición, que viu aumentado considerablemente o número de participantes, por esta iniciativa lingüística e cultural vida do ámbito empresarial”.
O Goberno do País Vasco aprobou un decreto para asimilar os títulos de coñecemento da lingua vasca aos baremos do Marco Común Europeo de Referencia para as Linguas, de xeito que se igualarán coas certificacións B1, B2, C1 e C2.
Fonte: EITB
O Goberno de Aragón segue a promover a difusión das linguas propias da Comunidade. Nesta ocasión, creou un carné de fidelización para acreditar as persoas, empresas e comercios que fomenten o uso da lingua aragonesa. Este carné permitirá obter diversas vantaxes, como o acceso a subvencións.
Fonte: El Español
O secretario xeral de Política Lingüística, Valentín García, participou na inauguración da exposición 'Manuel Rodríguez López. Emigrante Galego Poeta Obreiro'.
Fonte: O Portal da Lingua Galega
Un total de 64 estudantes de 18 nacionalidades participará en Braga nos cursos de lingua portuguesa para estranxeiros da Universidade do Miño. A crecente participación demostra a importancia que está a adquirir o portugués a nivel internacional.
Fonte: Diário do Minho
Subscríbase ao boletín
