A Oficina Central Estatística da República de Irlanda revelou que nos últimos cinco anos se rexistrou un descenso alarmante do número habitual de falantes de gaélico nas “gaeltacht” ou zonas de fala irlandesa en todo o país.
Fonte: Irish Times
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de abril de 2017
10 de abril de 2017
A Comunidade das Autoridades de Aviación Civil Lusófona (CAACL) quere que o portugués se converta en lingua de traballo na Organización da Aviación Civil Internacional (ICAO), unha axencia especializada da ONU.
Fonte: Jornal de Negócios
10 de abril de 2017
A ópera galega O Arame estrearase o vindeiro 10 de xuño no Magdalen College de Oxford, como coprodución entre o Centro John Rutherford de Estudos Galegos, dependente da Rede de Lectorados e Centros de Estudos Galegos da Consellería de Cultura, Educación e Ordenación Universitaria, o Queen’s College da Universidade de Oxford e XOGA (Xove Ópera Galega-Galician Youth Opera).
Fonte: O Portal da Lingua Galega
10 de abril de 2017
Con este plan búscase estender gradualmente a aprendizaxe obrigatoria de dúas linguas estranxeiras ata a Educación Secundaria, así como mellorar a formación do profesorado e adiantar o estudo dun segundo idioma ao segundo ciclo de Educación Infantil.
Fonte: Ideal
10 de abril de 2017
A terceira edición da Olimpíada de Tradución de Textos Clásicos celebrouse na Facultade de Filoloxía e nela participaron 52 alumnos na proba de grego e 67 na de latín.
10 de abril de 2017
Con gallo do 30 aniversario das Trobades d'Escoles Valencianes, a organización Escola Valenciana solicitoulle ao Goberno da comunidade a creación dunha lei de igualdade lingüística.
Fonte: ABC
10 de abril de 2017
O secretario xeral de Política Lingüística, Valentín García, clausurou no Consello da Cultura Galega o V Encontro de profesores e estudantes de catalán no exterior.
Fonte: O Portal da Lingua Galega
07 de abril de 2017
O Congreso Nacional do Brasil aprobou o acordo que prevé a emisión de visados a estudantes de países de lingua portuguesa. A iniciativa beneficiará os seguintes países: Angola, Cabo Verde, Guinea-Bisau, Guinea Ecuatorial, Mozambique, Portugal, San Tomé e Príncipe e Timor Leste.
Fonte: Radioagência Nacional
07 de abril de 2017
Catro músicos, os portugueses Capicua e Valete e os brasileiros Emicida e Rael, uníronse para publicar un disco de música nas dúas variedades de portugués que separa o Atlántico. O proxecto levará o nome de Língua franca.
Fonte: RTP Notícias
07 de abril de 2017
No proxecto educativo Gazapon Go participaron 25 colexios de oito comunidades autónomas. Con esta iniciativa convídase os alumnos a que "capturen" cazapos, erratas e erros lingüísticos que atopen no seu día a día.
Fonte: La Vanguardia
Boletín
Subscríbase ao boletín
