Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Fundación PuntuEUS, Code Sintax, a Federación de Ikastolas e Kontseilua presentaron a iniciativa "Tamén en Internet, a primeira palabra, en éuscaro" co obxectivo de animar os usuarios a que configuren os seus ordenadores e teléfonos nesta lingua.
Fonte: Diario Vasco
O secretario xeral de Política Lingüística, Valentín García, participou no acto de homenaxe a Carlos Casares que organizou o Concello de Ourense con motivo da celebración das Letras Galegas 2017.
Fonte: O Portal da Lingua Galega
O delegado territorial da Xunta en Vigo, Ignacio López-Chaves, participou nos actos de celebración organizados polo centro sociocomunitario de Coia co gallo do Día das Letras Galegas de 2017.
Fonte: O Portal da Lingua Galega
O I Certame de música galega da Universidade de Santiago de Compostela ten como obxectivo fomentar a escritura de letras de cancións en galego e a creatividade por parte da mocidade universitaria.
Fonte: Consello da Cultura Galega
Isaac Xubín, Daniel Asorey e Xosé Monteagudo son os finalistas galegos da XXIII edición do Premio San Clemente Rosalía-Abanca, polas obras Non hai outro camiño (Editorial Xerais), Nordeste (Editorial Galaxia) e Todo canto fomos (Editorial Galaxia), respectivamente.
Fonte: O Portal da Lingua Galega
A semana das Letras Galegas comezou na Cidade da Cultura coa presentación da tradución ao inglés da obra Ilustrísima, de Carlos Casares, que acaba de ver a luz na colección Galician Classics.
Fonte: O Portal da Lingua Galega
O Centro Dramático Galego (CDG) celebra o Día das Letras Galegas no Salón Teatro de Santiago levando ás táboas a novela de Carlos Casares Os mortos daquel verán, nunha aproximación escénica que coproduce coa compañía Talía Teatro.
Fonte: O Portal da Lingua Galega
O InformeCAT17 ten como obxectivo impulsar o uso social e a concienciación sobre a situación do catalán e a mellora do seu status legal.
Fonte: Plataforma per la Llengua
O alumno da Facultade de Empresariais Mikel Irusta Zurikarai resultou gañador do primeiro premio polo seu proxecto en éuscaro polo que recibirá 1500 euros.
Fonte: Noticias de Gipuzkoa
A artista Uxía Senlle, o académico e presidente do Consello da Cultura Galega, Ramón Villares; os humoristas Xosé Touriñán e Marcos Pereiro, a escritora Concha Blanco e a Fundación Barrié recibiron en Ponteceso os Premios Bos e Xenerosos 2017.
Fonte: O Portal da Lingua Galega
Subscríbase ao boletín
