O presidente da República de Timor Leste, Taur Matan Ruak, defendeu o reforzo da lingua portuguesa no ensino, idioma que el mesmo considerou importante para o desenvolvemento do país asiático.
Fonte: Público
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de febreiro de 2017
O 21 de febreiro, a Unesco celebra o Día Internacional da Lingua Materna co fin de fomentar o pleno respecto cara ao uso da lingua materna no ensino e a aprendizaxe, e a promoción e preservación da diversidade lingüística. Este ano o día destínase á promoción da educación plurilingüe.
Fonte: The Indian Express
21 de febreiro de 2017
Trátase dun proxecto piloto para acercar a lingua asturiana, mediante sesións de "bebecontos", a algunhas escolas de Educación Infantil da cidade.
Fonte: La Nueva España
21 de febreiro de 2017
Trátase da segunda edición do concurso “Quero Cantar”, co que se pretende promover a utilización do galego, así como a creatividade poética e musical entre os rapaces e rapazas de ata 16 anos.
Fonte: Consello da Cultura Galega
21 de febreiro de 2017
A Escola Galega de Administración Pública oferta os seguintes cursos de contido lingüístico para o persoal da Xunta de Galicia: “Linguaxe administrativa non sexista e imaxe igualitaria na práctica da xestión pública”, “Redacción de documentos técnico-xurídicos en galego” e “Actualización gramatical e ortográfica da lingua galega”.
Fonte: Consello da Cultura Galega
21 de febreiro de 2017
O obxectivo desta nova páxina web (www.lenguasdearagon.org) é actuar na protección, promoción e difusión das linguas que se falan en Aragón: o aragonés e o catalán.
Fonte: El Periódico de Aragón
21 de febreiro de 2017
Os gobernos de tres territorios de fala catalá, Cataluña, Baleares e Comunidade Valenciana, presentaron a Declaración de Palma, pola que se comprometen a unir forzas para acadar unha serie de obxectivos relativos aos ámbitos cultural e lingüístico.
Fonte: Generalitat de Catalunya
20 de febreiro de 2017
O libro Nonstop Metropolis: A New York City Atlas publicou un mapa que mostra a gran diversidade lingüística do distrito neoiorquino de Queens. A organización sen ánimo de lucro Endangered Language Alliance afirma que Queens é a rexión do mundo con maior riqueza lingüística.
Fonte: Business Insider
20 de febreiro de 2017
Unha publicación semestral do Programa de Estudos Comparados de Literaturas de Lingua Portuguesa da Facultade de Filosofía e Letras e Ciencias Humanas da Universidade de São Paulo (USP), Via Atlântica, aborda na súa trixésima edición a literatura en lingua portuguesa do estado de Goa (India).
Fonte: Jornal da USP
20 de febreiro de 2017
A Dirección Xeral de Planificación Lingüística e Normalización acaba de iniciar a publicación dun boletín informativo mensual que abordará o tema do ensino do asturiano.
Fonte: 20minutos
Boletín
Subscríbase ao boletín
