Na homenaxe ao escritor Félix Gil del Cacho, o director xeral de Política Lingüística do Goberno de Aragón reiterou o apoio do organismo ás iniciativas que defenden a lingua aragonesa.
Fonte: Diario del Alto Aragón
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de decembro de 2016
05 de decembro de 2016
O galardón está dotado cun único premio de 6000 euros, ademais da publicación da obra elixida na colección Arte de Trobar.
Fonte: El Ideal Gallego
02 de decembro de 2016
Un grupo de persoas ligadas ao mundo da música e os medios de comunicación organizarán a xornada "Dydd Miwsig Cymru" que, por medio de concertos, espectáculos e mostras de arte, lembrará o mellor da música en lingua galesa dos últimos 50 anos.
Fonte: South Wales Evening Post
02 de decembro de 2016
O representante do Brasil perante a Comunidade de Países de Lingua Portuguesa (CPLP), Gonçalo de Barros Carvalho e Mello Mourão, declarou que o maior uso do portugués nos organismos internacionais é un problema eminentemente político e orzamentario.
Fonte: Agência Brasil
02 de decembro de 2016
Catro Ventos é unha nova editorial, con sede en Vigo, que xorde co obxectivo de traducir ao galego obras relacionadas coa economía social e solidaria, a ecoloxía e o ambiente, o decrecemento, o consumo responsable, a soberanía alimentaria, os dereitos humanos en xeral e a pedagoxía e crianza alternativas.
Fonte: Catro Ventos
02 de decembro de 2016
O titular vasco de Saúde expresou, no transcurso dunhas xornadas, o seu compromiso coa normalización do éuscaro na sanidade.
Fonte: Diario Vasco
02 de decembro de 2016
Por primeira vez, este 3 de decembro de 2016 o Goberno navarro celebrará o Día Internacional do Éuscaro, unha conmemoración que coincide co Día de Navarra.
Fonte: ABC
02 de decembro de 2016
Coa iniciativa Palabra do ano preténdese escoller a que mellor representa este 2016, que está a rematar. As persoas interesadas poden mandar as súas propostas ata o 14 de decembro.
Fonte: Consello da Cultura Galega
02 de decembro de 2016
O Centro da Lingua Galesa que abriu no edificio da antiga biblioteca no centro de Cardiff pediu axuda para poder seguir ofrecendo servizos en galés.
Fonte: BBC
02 de decembro de 2016
A presidenta da nova rexión francesa que leva o nome de Occitania, Carole Delga, declarou que o novo ente público apoiará o Centro Interrexional de Desenvolvemento do Occitano (CIRDÒC) e as linguas catalá e occitana.
Fonte: Jornalet
Boletín
Subscríbase ao boletín
