A lingua galega no solpor medieval é o título do libro editado polos profesores Ramón Mariño Paz e Xavier Varela.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de marzo de 2017
01 de marzo de 2017
O cinema São Jorge de Lisboa acollerá durante unha semana o Festin, Festival de Cinema Itinerante da Lingua Portuguesa. A oitava edición deste evento dedícase ao labor das mulleres no mundo do cinema.
Fonte: Delas
01 de marzo de 2017
En Portugal existen por volta de 150 docentes de lingua de signos mais só 87 están a impartir clases a unha poboación de arredor de 1000 estudantes xordos. O Ministerio de Educación quere agora sentar as bases para a profesionalización do corpo de docentes de lingua xestual portuguesa nos centros públicos de ensino.
Fonte: TVI 24
01 de marzo de 2017
A Plataforma pola Lingua outorgou Premio Martí Gasull i Roig á Comunidade Sikh de Cataluña pola súa defensa do catalán. Tamén se recoñeceu o labor do lingüista Albert Jané quen recibiu o Premio Especial do Xurado pola súa traxectoria.
Fonte: Generalitat de Catalunya
01 de marzo de 2017
“Os Premios á Calidade Lingüística que promove a Universidade de Santiago de Compostela (USC) co apoio da Xunta de Galicia impulsan o uso e a visibilización da lingua galega no ensino superior incentivando que alumnado universitario elabore os seus traballos académicos ou de fin de grao, carreira ou mestrado no noso idioma propio”. Así o sinalou o secretario xeral de Política Lingüística, Valentín García, no acto de entrega da XII edición destes galardóns, no que 15 alumnos e alumnas dos campus compostelán e lugués da USC recolleron os seus premios.
28 de febreiro de 2017
Centos de persoas saíron á rúa en Irlanda do Norte para demandar que o gaélico irlandés sexa declarado lingua oficial. Os manifestantes solicitaron tamén que se aprobe unha lei que garanta a protección e promoción desta lingua celta.
Fonte: Sermos Galiza
28 de febreiro de 2017
The Salesman, Forušande, en lingua orixinal persa, recibiu o premio da Academia de Hollywood ao mellor filme de fala non inglesa. O director, Asghar Farhadi, non estivo presente na entrega para protestar contra a política migratoria dos EUA.
Fonte: Reuters
28 de febreiro de 2017
Este espazo infantil en lingua asturiana, que leva por título Fálame, responde a unha demanda dos colectivos que defenden este idioma, por considerar que este tipo de programación resulta fundamental para a súa normalización.
Fonte: Asturies.com
28 de febreiro de 2017
Euskaltzaleen Topagunea organiza unha campaña para fomentar a lectura de libros en éuscaro à que se uniu o Concello de Pamplona, as bibliotecas públicas e varias librerías.
Fonte: Noticias de Navarra
28 de febreiro de 2017
A Consellería de Cultura, Educación e Ordenación Universitaria fai de novo este ano un importante esforzo a prol da aprendizaxe de idiomas coa convocatoria de 682 prazas para que o alumnado mellore as súas competencias en lingua inglesa en estadías lingüísticas.
Fonte: Xunta de Galicia
Boletín
Subscríbase ao boletín
