O secretario xeral de Política Lingüística, Valentín García, e o director xeral de Xustiza, Juan José Martín, acudiron á sede da Real Academia Galega (RAG) para presentar Os apelidos en galego. Orientacións para a súa normalización. Este traballo, froito da colaboración entre a Xunta de Galicia e o Seminario de Onomástica da RAG, será distribuído nos xulgados de paz e rexistros civís e estará a disposición do funcionariado na intranet da Dirección Xeral de Xustiza para facilitar a regularización dos apelidos patrimoniais galegos deturpados.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de febreiro de 2017
16 de febreiro de 2017
O alumnado de tres institutos de Ponteareas e o do centro Archbishop McHale College Tuam (Galway – Irlanda) participan no Proxecto Erasmus + “Linguas minorizadas, diversidade cultural e integración na Unión Europea do século XXI”.
Fonte: Consello da Cultura Galega
16 de febreiro de 2017
O novo proxecto ‘Cantigas líricas galegas. Para canto e piano e pezas corais’ propón novas músicas para poesía escrita na lingua propia de Galicia.
Fonte: O Portal da Lingua Galega
15 de febreiro de 2017
O Ministerio de Educación do Xapón aprobou unha nova norma que obrigará a adiantar a introdución da aprendizaxe do inglés nas escolas públicas. A partir de 2020, o inglés comezará a ser ensinado no terceiro ano do ensino elemental.
Fonte: PORTAL MIE
15 de febreiro de 2017
A empresa alemá Babbel, especializada na aprendizaxe de idiomas, elaborou un estudo en liña sobre a relación que existe entre a aprendizaxe de linguas e o éxito laboral. A maior parte das persoas que participaron no estudo defende a importancia de aprender idiomas para o crecemento profesional, factor que pode influír positivamente na suba dos salarios.
Fonte: RFI
15 de febreiro de 2017
A Deputación de Pontevedra convoca axudas para o fomento do galego nas entidades locais da provincia
O obxecto desta convocatoria da Deputación de Pontevedra é a creación ou o mantemento de servizos de normalización lingüística, así como a posta en marcha de programas de dinamización da lingua galega.
Fonte: Consello da Cultura Galega
15 de febreiro de 2017
Un total de 1790 estudantes da comarca de Avilés estuda lingua asturiana, o que supón un 22% do total, unha porcentaxe catro puntos inferior á media de Asturias, que supera lixeiramente o 26%.
Fonte: El Comercio
15 de febreiro de 2017
A 3ª Semana Cultural Convergências Portugal-Galiza renderalles tributo do 19 ao 25 de febreiro na cidade portuguesa de Braga a Rosalía de Castro e a Zeca Alfonso, de cuxo nacemento e pasamento se fan 180 e 30 anos, respectivamente.
Fonte: O Portal da Lingua Galega
14 de febreiro de 2017
A Axencia Rexional para a Lingua Friulana desenvolveu un proxecto que emitirá documentais en lingua friulana sobre diferentes aspectos culturais na Radio Televisión Italiana (RAI).
Fonte: Messaggero Veneto
14 de febreiro de 2017
Riccardo Bertani ten 86 anos, é agricultor e coñece cen linguas diferentes. Xa publicou centenas de volumes, entre dicionarios, traducións e ensaios e mostra particular vocación polos idiomas de Asia Central.
Fonte: La Repubblica
Boletín
Subscríbase ao boletín
