Información do día a día do galego e outras linguas

Novas

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.

11 de novembro de 2016

Zaragoza acollerá unhas xornadas sobre a diversidade lingüística en Aragón

Estas xornadas, organizadas polo departamento de Educación e a Asociación de Periodistas, abordarán a situación das linguas minoritarias en Aragón.

Fonte: El Periódico de Aragón

10 de novembro de 2016

Ponse en marcha unha campaña en internet para que Ikea inclúa o galego no seu sitio web

Esta campaña demanda que o sitio web de Ikea, que está traducido ao castelán, catalán e éuscaro, tamén ofreza servizo en lingua galega.

Fonte: Galicia Confidencial

10 de novembro de 2016

Valentín García participa na presentación do 'Cancioneiro Antropolóxico, Quiroga, Ribas do Sil, Montañas do Lor'

O secretario xeral de Política Lingüística, Valentín García, participou na sede do Consello da Cultura Galega na presentación do Cancioneiro Antropolóxico, Quiroga, Ribas do Sil, Montañas do Lor, da autoría de Xosé Lois Foxo.

Fonte: O Portal da Lingua Galega

10 de novembro de 2016

As direccións xerais de Política Lingüística de Cataluña, Baleares e Comunidade Valenciana unen forzas para promover o catalán

A direccións xerais de Política Lingüística destes territorios reuníronse para debater as formas de traballar conxuntamente para poder impulsar o catalán.

Fonte: Generalitat de Catalunya

09 de novembro de 2016

O Instituto Camões estrea novo portal

O Instituto Camões acaba de estrear un novo portal electrónico co obxectivo de ofrecer información e servizos dun xeito simple e innovador.

Fonte: Diário Digital

09 de novembro de 2016

Expertos denuncian en Portugal que os refuxiados non poden integrarse polas eivas no ensino do portugués

Un grupo de expertos denunciou que na actualidade hai problemas en Portugal para ofrecerlles cursos de portugués aos máis de 700 refuxiados acollidos no último ano.

Fonte: Público

09 de novembro de 2016

Recorren as probas de acreditación do perfil lingüístico do Servizo Vasco de Saúde para que participe o persoal eventual

O sindicato LAB vai recorrer a convocatoria extraordinaria de probas de acreditación do perfil lingüístico do Servizo Vasco de Saúde para que participe tamén nelas o persoal eventual.

Fonte: El Correo

09 de novembro de 2016

Ponse en marcha unha iniciativa en Donostia para promover o uso do éuscaro no comercio

Máis de mil comercios de Donostia mostran nos seus escaparates o distintivo co que se informa a clientela de que pode recibir atención en éuscaro.

Fonte: Noticias de Gipuzkoa

09 de novembro de 2016

O pleno do Concello da Coruña aproba unha moción para aplicar o Plan de normalización da lingua galega

O pleno do Concello da Coruña aprobou a aplicación do Plan xeral de normalización da lingua galega cos votos a favor de Marea Atlántica, PSOE e BNG.

Fonte: Sermos Galiza

08 de novembro de 2016

Londres contará cunha escola bilingüe inglés-portugués

O Departamento de Educación do Reino Unido aceptou o proxecto de creación dunha escola bilingüe inglés-portugués para alumnos de entre 4 e 11 anos.