Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O investigador do Basque Center On Cognition, Brain and Language (BCBL) Jon Andoni Duñabeitia sostén que a lingua e o seu contexto de aprendizaxe están intimamente relacionados, o que provoca que as emocións cambien segundo o idioma no que fala unha persoa bilingüe.
Fonte: Deia
A profesora da Universidade de Vigo Celia Vázquez acaba de publicar Stevenson e a tenrura da súa poesía infantil, un volume que inclúe, en versión inglesa e galega, os poemas de A Child’s Garden of Verses .
Fonte: Universidade de Vigo
Este novo modelo servirá para adaptarse ao Marco Europeo Común de Referencia para as Linguas con seis niveis de certificación de valenciano (A1, A2, B1, B2, C1 e C2).
Fonte: El Periodic
Con motivo do centenario do pasamento de Eduardo Pondal, a Consellería de Cultura, Educación e Ordenación Universitaria, xunto coas fundacións Eduardo Pondal, Rosalía de Castro e Curros Enríquez, está a impulsar unha homenaxe a estes tres autores do Rexurdimento galego, que se fará en colaboración cos concellos implicados, Ponteceso, Padrón e Celanova.
Fonte: O Portal da Lingua Galega
A ministra de Educación de Francia, Najat Vallaud-Belkacem, e a Oficina Pública da Lingua Occitana (ÒPLO, polas súas siglas en occitano) asinarán na cidade de Tolosa unha convención para o ensino do occitano nas escolas públicas.
Fonte: Franceinfo
O Parlamento de Ucraína está elaborando unha lei que quere impor o ucraíno como lingua obrigatoria en todos os órganos administrativos e educativos do país.
Fonte: Sputnik
Gogs, un servizo Git (software de control de versións) para desenvolvedores de software de código aberto, xa conta con versión en galego, cuxo responsable é David A. Lareo.
Fonte: Código Cero
Un ano máis a Plataforma pola Lingua convocou o Premio Martí Gasull i Roig á defensa e promoción do catalán, ao que optan tres finalistas: La Bressola, a comunidade Sij de Cataluña e a asociación Softcatalà.
Fonte: El Nacional
A Dirección Xeral de Política Lingüística vai abrir o prazo de inscrición para a realización de probas destinadas á obtención dos certificados de diferentes niveis de lingua catalá.
Fonte: Generalitat de Catalunya
A Secretaría de Políticas Lingüísticas de Paraguai presentou unha base de datos que contén o corpus lingüístico da lingua guaraní: o Corpus de Referencia do Guaraní Paraguaio Actual (Coreguapa).
Fonte: Última Hora
Subscríbase ao boletín
