Xa entrou en vigor en Noreña a ordenanza municipal de uso do asturiano despois de cumprir todos os trámites legais e o período de exposición pública durante o cal non se recibiu alegación ningunha.
Fonte: La Nueva España
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de outubro de 2016
Este estudo, realizado polo Basque Center on Cognition, Brain and Language (BCBL) de San Sebastián, conclúe que as redes neuronais que se activan son diferentes en función da lingua en que se le.
Fonte: Diario Vasco
26 de outubro de 2016
O Club de Debate, un proxecto impulsado polos servizos de normalización lingüística de varios concellos, ten como obxectivo a dinamización lingüística no ámbito educativo a través do fomento da fluidez comunicativa en galego, do pensamento crítico e do respecto pola diversidade de opinións.
Fonte: Consello da Cultura Galega
26 de outubro de 2016
Os equipos deportivos da localidade subscribiron un convenio para aumentar o uso do éuscaro nas sesións de adestramento, nos partidos etc. co apoio do Concello.
Fonte: En Portugalete
26 de outubro de 2016
Ambas as entidades renovaron o acordo de colaboración que ten como obxectivo o desenvolvemento de actividades conxuntas destinadas á proxección exterior da lingua e da cultura catalás.
Fonte: Generalitat de Catalunya
26 de outubro de 2016
O número de alumnos/as que estuda aragonés pasou de 625 no curso anterior a 782 no actual, o que supón un incremento do 25 %.
Fonte: El Periódico de Aragón
26 de outubro de 2016
A asemblea xeral da Coordinadora Galega de Equipos de Dinamización e Normalización Lingüística optou por disolverse ao non se presentar ninguén para asumir a dirección desta entidade que levaba desde 2009 traballando a prol do galego no ámbito escolar.
Fonte: Galicia Confidencial
26 de outubro de 2016
A asociación Soziolinguistika Kluster será a encargada de estudar a utilización que se fai do éuscaro en Pamplona co obxectivo de avaliar e planificar as políticas lingüísticas municipais.
Fonte: Noticias de Navarra
25 de outubro de 2016
O municipio galés de Wrexham (Wrecsam, en galés) quere desenvolver un programa de cinco anos que ten como obxectivo a promoción do uso do galés no ente municipal.
Fonte: LocalGov
25 de outubro de 2016
Un proxecto apoiado polo Ministerio de Cultura de Colombia quere crear unha tipoloxía dixital para que os indíxenas da etnia wounaan poidan usar a súa lingua nativa no teclado dos ordenadores convencionais.
Fonte: Terra
Boletín
Subscríbase ao boletín
