O obxectivo desta campaña de Nadal é fomentar o uso oficial e social do valenciano no ámbito municipal.
Fonte: Cadena SER
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de decembro de 2016
14 de decembro de 2016
O Curso de Extensión Cultural para alumnado estranxeiro que organiza a Universidade de Vigo conta con 22 estudantes de sete nacionalidades diferentes, con Alemaña como país que máis estudantes achega, cun total de 13, seguido de Italia e República Checa.
Fonte: Universidade de Vigo
14 de decembro de 2016
EH Bildu propuxo a creación dunha comisión conxunta entre diversas institucións de Navarra, Euskadi e País Vasco francés para a coordinación e o fomento de políticas lingüísticas que impulsen a normalización do éuscaro.
Fonte: Diario de Navarra
14 de decembro de 2016
A liberación de dereitos de autor vai permitir traducir legalmente ao galego as obras de Ramón María del Valle-Inclán, polo que o Centro Dramático Galego porá sobre as táboas dúas das obras da triloxía Martes de Carnaval.
Fonte: Culturagalega.org
13 de decembro de 2016
O Goberno do Estado de São Paulo anunciou que en breve comezarán as obras de restauración do Museo da Lingua Portuguesa que fora parcialmente destruído por un incendio en 2015.
Fonte: Público
13 de decembro de 2016
Un novo Centro da Lingua Portuguesa do Instituto Camões abrirá as súas portas no Senegal, concretamente na rexión de Casamansa. Con este, o país africano conta xa con dous centros destas características que tentan facer fronte á importante demanda de ensino de portugués.
Fonte: Público
13 de decembro de 2016
A Mesa pola Normalización Lingüística e o sindicato CIG solicitáronlle á Valedora do Pobo que inste a Consellería de Cultura, Educación e Ordenación Universitaria a que garanta un equilibrio entre o galego e o castelán durante a ESO.
Fonte: Galicia Hoxe
13 de decembro de 2016
O escenario desta presentación será o Foro Europeo da Diversidade Lingüística, os días 15 e 16 de decembro, un encontro centrado na situación das linguas minorizadas.
Fonte: El Diario Vasco
13 de decembro de 2016
Waze, a aplicación colaborativa de tráfico que conta con máis de 65 millóns de persoas usuarias en todo o mundo, incluíu, entre outras melloras, o galego como lingua de navegación.
Fonte: El Economista
13 de decembro de 2016
A iniciativa 'MEDES-MEDicina en Español', que recibiu o recoñecemento da RAE, ten como obxectivo promover o uso do español como lingua para a divulgación científica, especialmente no ámbito da saúde.
Fonte: EcoDiario
Boletín
Subscríbase ao boletín
