A Consellería de Cultura, Educación e Ordenación Universitaria lembra que o 16 de xullo remata o prazo de inscrición nos cursos preparatorios das probas de acreditación dos niveis de lingua galega Celga 2, Celga 3 e Celga 4, convocados por medio da Secretaría Xeral de Política Lingüística no Diario Oficial de Galicia (DOG) do pasado 17 de xullo a través da Resolución do 8 de xuño de 2016, pola que se anuncia, con carácter voluntario e gratuíto, a convocatoria de cursos de lingua galega preparatorios das probas para obter os certificados de lingua galega Celga 2, Celga 3 e Celga 4.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de xullo de 2016
14 de xullo de 2016
Cinco concellos do val de Txorrieri chegaron a un acordo con cinco equipos de fútbol para fomentar o idioma entre os xogadores dos equipos e nas actividades deportivas que realizan.
Fonte: Deia
13 de xullo de 2016
A Xunta de Galicia lamenta o pasamento do escritor Agustín Fernández Paz, un dos autores máis coñecidos e valorados no ámbito da literatura infantil e xuvenil en Galicia e no conxunto de España.
Fonte: O Portal da Lingua Galega
13 de xullo de 2016
A escritora británica de orixe ghanesa, Sharon Dodua Otoo, acaba de gañar o premio de narrativa de ficción Ingeborg Bachman, un dos máis importantes da literatura en lingua alemá, pola súa obra curta Herr Gröttrup setzt sich hin.
Fonte: The Guardian
13 de xullo de 2016
Despois dunha longa enfermidade, morre en Vigo un dos autores máis queridos das letras galegas, o vilalbés Agustín Fernández Paz.
Fonte: Praza Pública
13 de xullo de 2016
A cuarta Estancia lingüística organizada polo Institut Ramon Llull acollerá un total de 25 estudantes de catalán de todo o mundo. Estes estudantes terán a oportunidade de perfeccionar o idioma estando en contacto coa sociedade catalá durante 15 días.
Fonte: El Economista
12 de xullo de 2016
A Real Academia Galega incorporou novos membros. A última persoa que se incorporou á institución foi a escritora e catedrática Marilar Aleixandre, que é agora membro de pleno dereito.
Fonte: Cultura galega
12 de xullo de 2016
O ministro de Educación do cantón de fala italiana de Ticino sente que, na problemática sobre que lingua ou linguas se deben ensinar nas escolas, Suíza esquece con frecuencia que o italiano é a terceira lingua nacional e que, por tanto, debe estar ao mesmo nivel que o alemán e o francés.
Fonte: The Local
12 de xullo de 2016
O Goberno alemán acaba de aprobar novas leis que obrigan os demandantes de asilo a facer cursos de lingua e integración para poder traballar e ficar no país.
Fonte: The Telegraph
12 de xullo de 2016
Un total de 3108 persoas presentáronse aos exames para obter un certificado oficial de catalán en maio e xuño. Os certificados C1 e C2 abranguen case o 80 % dos examinados.
Fonte: Generalitat de Catalunya
Boletín
Subscríbase ao boletín
