A ministra francesa de Educación, Najat Vallaud-Belkacem, confirmou que é factible abrir un proceso selectivo de profesores de occitano no ensino público.
Fonte: Jornalet
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de outubro de 2016
O 90 % dos funcionarios do Parlamento de Timor Leste están inscritos nos cursos anuais de lingua portuguesa.
Fonte: RTP
21 de outubro de 2016
Huesca acolle a sétima edición destas xornadas que teñen como obxectivo afondar no coñecemento da lingua aragonesa e da súa literatura da man de especialistas na materia.
Fonte: 20minutos
21 de outubro de 2016
O Concurso Radiofónico de Teatro Lido Desata a Lingua!! ten como obxectivo fomentar o uso oral e escrito do galego entre a mocidade. Esta iniciativa está destinada ao alumnado de 2º ciclo da ESO e do Bacharelato dos centros educativos de Ames.
Fonte: Consello da Cultura Galega
21 de outubro de 2016
Os cursos de promoción de coñecementos de valenciano, convocados pola Consellería de Educación, Investigación, Cultura e Deporte, están destinados ao persoal non docente da Generalitat e de calquera empresa pública ou privada que traballe para a Administración valenciana.
Fonte: Valencia Noticias
21 de outubro de 2016
Coolt é unha revista en liña de moda, tendencias e estilo de vida que terá unha periodicidade mensual e que está escrita en galego. O seu título fai referencia ao seu obxectivo de servir de ponte entre dous ámbitos: o cool e a cult(ura).
Fonte: Código Cero
20 de outubro de 2016
O simposio ‘Xaime Isla Couto: raíz e utopía’ achégase ás múltiples facetas e ámbitos de actividade do intelectual e galeguista, ao tempo que constitúe “unha oportunidade para analizar todo un conxunto de proxectos fundamentais na construción política, cultural e identitaria de Galicia”.
Fonte: O Portal da Lingua Galega
20 de outubro de 2016
A Biblioteca Pública de Lugo acolle ata o vindeiro 31 de outubro a mostra itinerante ‘Manuel María (1929-2004). Beleza, amor e compromiso’, no marco da programación conmemorativa das Letras Galegas 2016.
Fonte: O Portal da Lingua Galega
20 de outubro de 2016
O Ourense Film Festival (OUFF) presentou o programa da súa vixésimo primeira edición, que se desenvolverá do 28 de outubro ao 5 de novembro. Nela apóstase por unha nova estrutura de contidos con dúas novas seccións competitivas (Iberoamérica e Óperas Primas) e especiais temáticos nos que o cinema galego estará representado por 17 títulos.
Fonte: O Portal da Lingua Galega
20 de outubro de 2016
O Encontro Anual de Irakasles, que se realizará en Madrid, ten como obxectivo compartir experiencias, aclarar dúbidas e obter recursos, ideas e ferramentas para mellorar as clases de éuscaro.
Fonte: Euskalkultura
Boletín
Subscríbase ao boletín
