O Pleno de Bimenes declara o asturiano como lingua oficial do concello. Esta declaración realizarase na Semana da Oficialidade, unha semana de celebracións referentes á lingua asturiana.
Fonte: Asturies
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de xuño de 2016
O vicepresidente da Xunta, Alfonso Rueda, presentou un adianto do novo portal oficial de Toponimia de Galicia (toponimia.xunta.gal), un web que será actualizado baixo a colaboración de diversos organismos para a renovación desta ferramenta e para a publicación dunha nova edición do Nomenclátor da Xunta de Galicia.
Fonte: Xunta de Galicia
28 de xuño de 2016
Escocia está facendo esforzos para incrementar e liderar internacionalmente a provisión de servizos en lingua de signos, tal como demostra a nova oferta educativa de ensino superior da Universidade de Heriot-Watt en Edimburgo. Actualmente este centro de ensino ofrece un grao, un mestrado e un doutoramento en diferentes variedades desta lingua.
Fonte: Herald Scotland
28 de xuño de 2016
Un grupo de investigadores da Universidade Federal de Río Grande do Sur (Brasil) está facendo traballos de documentación para transformar o dialecto de orixe xermánica hunsriqueano en lingua brasileira de emigración.
Fonte: Pioneiro
27 de xuño de 2016
Unha vez analizados os resultados do referendo do Reino Unido, dous políticos franceses de diferente ideoloxía manifestáronse a favor de que o inglés deixe de ser lingua oficial das institucións europeas.
Fonte: RTP
27 de xuño de 2016
Un grupo de investigadores dunha universidade británica e dúas suízas mostraron a distribución e evolución das falas dialectais do Reino Unido por medio de datos extraídos dunha aplicación móbil.
Fonte: PSFK
27 de xuño de 2016
Esta ópera comezouse a escribir en 2010 partindo dun relato da escritora Elena Chazal. A música está composta por Aurelio Bardaxí e o grupo de canto da escola municipal de música de Graus será o encargado da súa representación.
Fonte: AraInfo
27 de xuño de 2016
A nova Lei de turismo aprobarase a finais do mes de xullo no Parlamento vasco coa introdución do emprego do éuscaro como requisito para que os hoteis accedan a mellores categorías.
Fonte: El Diario Vasco
27 de xuño de 2016
Os Riazor Blues, a Federación de Peñas Deportivistas e o colectivo Old Faces lanzaron unha campaña demandando o uso do topónimo A Coruña no escudo do equipo. Están recollendo firmas para apoiar a súa solicitude.
Fonte: Sermos Galiza
27 de xuño de 2016
O Diario Oficial de Galicia publicou a ORDE do 4 de xuño de 2016 pola que se aproban as bases reguladoras que rexerán o concurso público de nove bolsas de formación en proxectos de investigación que se están a desenvolver no Centro Ramón Piñeiro para a Investigación en Humanidades (CRPIH) e se procede á súa convocatoria.
Fonte: O Portal da Lingua Galega
Boletín
Subscríbase ao boletín
